اقش جەنە ەۋرووداق ٶكٸلدەرٸ تٷرٸك پوليتسەيلەرٸ ەلٸندەگٸ ەڭ ٸرٸ Zaman گازەتٸنٸڭ ستامبۋلداعى رەداكتسيياسىنا رەيد جاساعاننان كەيٸن, تٷركيياداعى سٶز بوستاندىعى كٷرت ناشارلاپ كەتۋٸ مٷمكٸن دەپ الاڭدايدى. بۇل جٶنٸندە France-Presse اگەنتتٸگٸ حابارلايدى.
پوليتسييا قىزمەتكەرلەرٸ باسىلىم كەڭسەسٸنە باسىپ كٸرگەن. گازەتتٸ قورعاپ, قارسىلىق تانىتقاندارعا كٶزدەن جاس اعىزاتىن گاز قولدانىپ, سۋ شاشقان. وقيعادان بٸر ساعات بۇرىن سوت گازەتكە سىرتتان باقىلاۋشى تاعايىنداۋعا شەشٸم شىعارعان. الايدا ەلٸ رەسمي شەشٸم كٷشٸنە ەنبەي جاتىپ, پوليتسييا قىزمەتكەرلەرٸ رەداكتسييانى قورشاپ, قارسىلىق تانىتۋشىلاردى جٸبەرمەۋگە ەرەكەتتەنگەن.
Zaman گازەتٸن اقش-تا قۋعىندا جٷرگەن فەتحۋللاح گيۋلمەن تىعىز بايلانىستىرادى. تٷركييا پرەزيدەنتٸ رەدجەپ ەردوگان ونى ٷكٸمەتكە قارسى ەرەكەت جاساپ, ٶزٸن جاقتايتىن باق, پوليتسييا, قۇقىق قورعاۋ ورگاندارىنىڭ جەلٸسٸن قۇرعان دەپ ايىپتايدى.
رەداكتسييادا تٷنگٸ شابۋىل اياقتالعانعا دەيٸن, Zaman باسىلىمىنىڭ اعىلشىن تٸلٸندە شىعاتىن نۇسقاسى "تٷركييانىڭ ەركٸن باسپاسٶزٸ ٷشٸن ۇياتتى كٷن" دەگەن تاقىرىپپەن گازەت شىعاردى.
