AQSh jáne Eýroodaq ókilderi túrik politseileri elindegi eń iri Zaman gazetiniń Stambýldaǵy redaktsiiasyna reid jasaǵannan keiin, Túrkiiadaǵy sóz bostandyǵy kúrt nasharlap ketýi múmkin dep alańdaidy. Bul jóninde France-Presse agenttigi habarlaidy.
Politsiia qyzmetkerleri basylym keńsesine basyp kirgen. Gazetti qorǵap, qarsylyq tanytqandarǵa kózden jas aǵyzatyn gaz qoldanyp, sý shashqan. Oqiǵadan bir saǵat buryn sot gazetke syrttan baqylaýshy taǵaiyndaýǵa sheshim shyǵarǵan. Alaida áli resmi sheshim kúshine enbei jatyp, politsiia qyzmetkerleri redaktsiiany qorshap, qarsylyq tanytýshylardy jibermeýge árekettengen.
Zaman gazetin AQSh-ta qýǵynda júrgen Fethýllah Giýlmen tyǵyz bailanystyrady. Túrkiia prezidenti Redjep Erdogan ony úkimetke qarsy áreket jasap, ózin jaqtaityn BAQ, politsiia, quqyq qorǵaý organdarynyń jelisin qurǵan dep aiyptaidy.
Redaktsiiada túngi shabýyl aiaqtalǵanǵa deiin, Zaman basylymynyń aǵylshyn tilinde shyǵatyn nusqasy "Túrkiianyń erkin baspasózi úshin uiatty kún" degen taqyryppen gazet shyǵardy.
