تۇركىستان وبلىسىندا جەتىساي اۋداندىق ءبىلىم ءبولىمىنىڭ 46 قىزمەتكەرى ءبىر مەزەتتە سوتتالدى. ولارعا "4 ملرد تەڭگە بيۋدجەت قاراجاتىن ۇپتەدى" دەگەن كۇدىك كەلتىرىلدى. ناتيجەسىندە ەكى ءبولىم باسشىسى 10 جىلعا، 34 سوتتالۋشى 5-تەن 8 جىل ارالىعىندا باس بوستاندىعىنان ايىرىلدى، دەپ حابارلايدى Dalanews.kz.
تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا القابيلەردىڭ قاتىسۋىمەن جەتىساي اۋداندىق ءبىلىم ءبولىمىنىڭ 46 قىزمەتكەرلەرى سەنىپ تاپسىرىلعان مۇلىكتى يەمدەنۋ ارەكەتتەرى بويىنشا قىلمىستىق ءىستى قارادى.
تەرگەۋ ورگانىمەن:
- ءبولىم باسشىسى م. قك-نىڭ 189-بابىنىڭ 4-بولىگى 2-تارماعىمەن (اسا ءىرى كولەمدە سەنىپ تاپسىرىلعان مۇلىكتى يەمدەنۋ) ايىپتالدى؛
- ءبولىم باسشىسى ش. قك-نىڭ 189-بابىنىڭ 4-بولىگى 2-تارماعىمەن (اسا ءىرى كولەمدە سەنىپ تاپسىرىلعان مۇلىكتى يەمدەنۋ)، 28-بابىنىڭ 4-بولىگىمەن، 367-بابىنىڭ 4-بولىگىمەن (اسا ءىرى كولەمدە پارا بەرۋگە ايداپ سالۋ) ايىپتالدى؛
- ءبولىم ەسەپشىسى ش. قك-نىڭ 189-بابىنىڭ 4-بولىگى 2-تارماعىمەن (اسا ءىرى كولەمدە سەنىپ تاپسىرىلعانمۇلىكتى يەمدەنۋ)، 218-بابىنىڭ 3-بولىگىنىڭ 3-تارماعىمەن (اسا ءىرى مولشەردە قىلمىستىق جولمەن الىنعان مۇلىكتى زاڭداستىرۋ) ايىپتالدى؛
- 43 ەسەپشى قك-نىڭ 189-بابىنىڭ 4-بولىگىنىڭ 2-تارماعىمەن ايىپتالعان (اسا ءىرى كولەمدە سەنىپتاپسىرىلعان مۇلىكتى يەمدەنۋ).
"سوتتا جەتىساي اۋداندىق ءبىلىم ءبولىمىنىڭ لاۋازىمدى قىزمەتكەرلەرى (م. جانە ش.)، سونداي-اق مەكتەپتەردىڭ 44 ەسەپشىسى ادامدار توبىنىڭ الدىن الا ءسوز بايلاسۋ ارقىلى مەكتەپتەردە جۇمىس ىستەمەيتىن تانىستارى مەن تۋىستارىنىڭ بانكتىك ەسەپ شوتتارىنا نەگىزسىز اقشا قاراجاتتارىن جالاقى رەتىندە اۋدارىپ، بيۋدجەت قاراجاتىن يەمدەنگەنى انىقتالدى"، دەلىنگەن سوت حابارلاماسىندا.
ناتيجەسىندە، سوتتالۋشىلاردىڭ 2021-2023 جىلدار ارالىعىندا قىلمىستىق ءىس ارەكەتتەرى سالدارىنان، مەملەكەتكە 4 ملرد تەڭگەدەن استام شىعىن كەلگەن.
سوتتا، سوتتالۋشى م. جانە ش. ءوز كىنالارىن مويىندامادى، قالعان سوتتالۋشىلار كىنالارىن مويىنداپ، كەلتىرىلگەن شىعىندى وتەگەندەرىن ەسكەر ءىپ، جەڭىل جازا تاعايىنداۋدى سۇرادى.
43 سوتتالۋشى (مەكتەپ بۋحگالتەرلەرى) مەملەكەتكە جالپى 800 ملن تەڭگەدەن استام يەمدەنگەن قاراجاتتى قايتاردى.
القابيلەردىڭ شەشىمىمەن:
- نەگىزگى سوتتالۋشى ش. مەن م.-عا تيىسىنشە 9-جىل جانە 10 جىل باس بوستاندىعىنان ايىرۋ تۇرىندەگى جازا تاعايىندالدى. قك-نىڭ 74-بابىنىڭ تالاپتارىنا سايكەس، ش.-نىڭ كامەلەتكە تولماعان بالاسىنىڭ بولۋىنا بايلانىستى، جازانىڭ وتەۋ مەرزىمى 5 جىلعا كەيىنگە قالدىرىلدى.
- 2 سوتتالۋشىنىڭ ارەكەتى قك-نىڭ 371-بابىنىڭ 1-بولىگىنە قايتا سارالانىپ، ولارعا 1 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالدى.
- 34 سوتتالۋشىعا قك-نىڭ 189-بابىنىڭ 4-بولىگىنىڭ 2-تارماعىمەن جالپى 5 جىلدان 8 جىلعا دەيىن مەرزىمگە باس بوستاندىعىنان ايىرۋ تۇرىندەگى جازا تاعايىندالدى. ونىڭ ىشىندە:
- 4 سوتتالۋشىعا قك-نىڭ 74-بابىنىڭ تالاپتارىنا سايكەس، كامەلەتكە تولماعان بالالارىنىڭ بولۋىنا بايلانىستى، ولاردىڭ جازانى وتەۋ مەرزىمىن 5 جىلعا كەيىنگە قالدىردى؛
- 18 سوتتالۋشىعا قك-نىڭ 63-بابى نەگىزىندە تاعايىندالعان جازا شارتتى دەپ ەسەپتەلدى؛
- 12 سوتتالۋشىعا ناقتى مەرزىم تاعايىندالدى.
- 8 سوتتالۋشىعا قك-نىڭ 189-بابىنىڭ 2-بولىگىنىڭ 1-تارماعىمەن/189-بابىنىڭ 3-بولىگىنىڭ 1-تارماعىمەن 1 جىلدان 3 جىلعا دەيىن باس بوستاندىعىن شەكتەۋ جازاسى تاعايىندالدى.
شىعىندى ءوندىرۋ جانە ونىڭ مولشەرىن انىقتاۋ، ازاماتتىق سوت ءىسىن جۇرگىزۋ تارتىبىنە قالدىرىلدى.
ۇكىم زاڭدى كۇشىنە ەنگەن جوق.
