Túrkistan oblysynda Jetisai aýdandyq bilim bóliminiń 46 qyzmetkeri bir mezette sottaldy. Olarǵa "4 mlrd teńge biýdjet qarajatyn úptedi" degen kúdik keltirildi. Nátijesinde eki bólim basshysy 10 jylǵa, 34 sottalýshy 5-ten 8 jyl aralyǵynda bas bostandyǵynan aiyryldy, dep habarlaidy Dalanews.kz.
Túrkistan oblysynyń qylmystyq ister jónindegi mamandandyrylǵan aýdanaralyq sotynda alqabilerdiń qatysýymen Jetisai aýdandyq bilim bóliminiń 46 qyzmetkerleri senip tapsyrylǵan múlikti iemdený áreketteri boiynsha qylmystyq isti qarady.
Tergeý organymen:
- bólim basshysy M. QK-niń 189-babynyń 4-bóligi 2-tarmaǵymen (asa iri kólemde senip tapsyrylǵan múlikti iemdený) aiyptaldy;
- bólim basshysy Sh. QK-niń 189-babynyń 4-bóligi 2-tarmaǵymen (asa iri kólemde senip tapsyrylǵan múlikti iemdený), 28-babynyń 4-bóligimen, 367-babynyń 4-bóligimen (asa iri kólemde para berýge aidap salý) aiyptaldy;
- bólim esepshisi Sh. QK-niń 189-babynyń 4-bóligi 2-tarmaǵymen (asa iri kólemde senip tapsyrylǵanmúlikti iemdený), 218-babynyń 3-bóliginiń 3-tarmaǵymen (asa iri mólsherde qylmystyq jolmen alynǵan múlikti zańdastyrý) aiyptaldy;
- 43 esepshi QK-niń 189-babynyń 4-bóliginiń 2-tarmaǵymen aiyptalǵan (asa iri kólemde seniptapsyrylǵan múlikti iemdený).
"Sotta Jetisai aýdandyq bilim bóliminiń laýazymdy qyzmetkerleri (M. jáne Sh.), sondai-aq mektepterdiń 44 esepshisi adamdar tobynyń aldyn ala sóz bailasý arqyly mektepterde jumys istemeitin tanystary men týystarynyń banktik esep shottaryna negizsiz aqsha qarajattaryn jalaqy retinde aýdaryp, biýdjet qarajatyn iemdengeni anyqtaldy", delingen sot habarlamasynda.
Nátijesinde, sottalýshylardyń 2021-2023 jyldar aralyǵynda qylmystyq is áreketteri saldarynan, memleketke 4 mlrd teńgeden astam shyǵyn kelgen.
Sotta, sottalýshy M. jáne Sh. óz kinálaryn moiyndamady, qalǵan sottalýshylar kinálaryn moiyndap, keltirilgen shyǵyndy ótegenderin esker ip, jeńil jaza taǵaiyndaýdy surady.
43 sottalýshy (mektep býhgalterleri) memleketke jalpy 800 mln teńgeden astam iemdengen qarajatty qaitardy.
Alqabilerdiń sheshimimen:
- negizgi sottalýshy Sh. men M.-ǵa tiisinshe 9-jyl jáne 10 jyl bas bostandyǵynan aiyrý túrindegi jaza taǵaiyndaldy. QK-niń 74-babynyń talaptaryna sáikes, Sh.-nyń kámeletke tolmaǵan balasynyń bolýyna bailanysty, jazanyń óteý merzimi 5 jylǵa keiinge qaldyryldy.
- 2 sottalýshynyń áreketi QK-niń 371-babynyń 1-bóligine qaita saralanyp, olarǵa 1 jyl merzimge bas bostandyǵyn shekteý túrindegi jaza taǵaiyndaldy.
- 34 sottalýshyǵa QK-niń 189-babynyń 4-bóliginiń 2-tarmaǵymen jalpy 5 jyldan 8 jylǵa deiin merzimge bas bostandyǵynan aiyrý túrindegi jaza taǵaiyndaldy. Onyń ishinde:
- 4 sottalýshyǵa QK-niń 74-babynyń talaptaryna sáikes, kámeletke tolmaǵan balalarynyń bolýyna bailanysty, olardyń jazany óteý merzimin 5 jylǵa keiinge qaldyrdy;
- 18 sottalýshyǵa QK-niń 63-baby negizinde taǵaiyndalǵan jaza shartty dep esepteldi;
- 12 sottalýshyǵa naqty merzim taǵaiyndaldy.
- 8 sottalýshyǵa QK-niń 189-babynyń 2-bóliginiń 1-tarmaǵymen/189-babynyń 3-bóliginiń 1-tarmaǵymen 1 jyldan 3 jylǵa deiin bas bostandyǵyn shekteý jazasy taǵaiyndaldy.
Shyǵyndy óndirý jáne onyń mólsherin anyqtaý, azamattyq sot isin júrgizý tártibine qaldyryldy.
Úkim zańdy kúshine engen joq.
