مەجٸلٸس دەپۋتاتى رينات زايتوۆ جالعان اقپارات تاراتۋعا قاتىستى ٸستەر بويىنشا جاۋاپقا تارتىلىپ جاتقان ازاماتتاردى امنيستيياعا ٸلٸكتٸرۋگە شاقىردى. بۇل تۋرالى ول سەرسەنبٸ كٷنٸ مەجٸلٸس وتىرىسىندا ايتتى, دەپ حابارلايدى dalanews.kz.
دەپۋتاتتىڭ سٶزٸنشە, جۇمىس توبىنىڭ وتىرىستارىندا كٶپتەگەن ۇسىنىستار ايتىلعانىمەن, ولاردىڭ بارلىعى بٸردەي قولداۋ تاپپاعان.
«جۇمىس توبىنىڭ وتىرىستارى بارىسىندا كٶپتەگەن پٸكٸر ايتتىق, بٸرقاتار ۇسىنىستار ەنگٸزدٸك. ٶكٸنٸشكە قاراي, ولاردى قولداعان قۇزىرلى ورگاندار تابىلمادى. دەگەنمەن بٸز ٶز تاراپىمىزدان ەرەكەت ەتتٸك. قازٸر ناقتى قانداي باپتار نەمەسە كٸمدەر تۋرالى سٶز بولعانىن تٸزبەلەۋدٸڭ قاجەتٸ جوق. بۇل زاڭ جوباسىن تالقىلاۋعا قاتىسۋشى رەتٸندە مەنٸڭ مٸندەتٸم – وسىندا وتىرعان ەرٸپتەستەرٸمە ٶتٸنٸش ايتۋ», – دەدٸ زايتوۆ.
ول قازاقستانداعى ىقپالدى پارلامەنت قاعيداتىنا توقتالىپ, بۇل پرەزيدەنت بەدەلٸن حالىقارالىق ارەنادا كٶرسەتۋگە مٷمكٸندٸك ەكەنٸن ايتتى.
«قازاقستاندا ىقپالدى پارلامەنت قاعيداتى بار. ىقپالدى پارلامەنت – كٷشتٸ پرەزيدەنتتٸڭ فاكتورلارىنىڭ بٸرٸ. دەل قازٸر حالىقارالىق دەڭگەيدە پرەزيدەنتتٸڭ بەدەلٸن كٶرسەتەتٸن مٷمكٸندٸك تۋىپ وتىر. سوندىقتان قۇرمەتتٸ ەرٸپتەستەر, مەنٸڭ جالعىز ٶتٸنٸشٸم – ماس كٷيٸندە قۇقىق بۇزعاندارعا نەمەسە باسقا ساناتتارعا ەمەس. بٸزدە ەلەۋمەتتٸك جەلٸدەگٸ پٸكٸرلەرٸ ٷشٸن سوتتالىپ جاتقان ادامدار بار. بارشاڭىزدى بٸرٸگٸپ, ەسٸرەسە قىلمىستىق كودەكستٸڭ 274-بابى بويىنشا ٶتٸپ جاتقان ازاماتتاردى امنيستيياعا ەنگٸزۋگە شاقىرامىن», – دەدٸ دەپۋتات.
ايتا كەتەيٸك, قازاقستان رەسپۋبليكاسى قىلمىستىق كودەكسٸنٸڭ 274-بابى – كٶرٸنەۋ جالعان اقپارات تاراتۋعا قاتىستى.
