شىعىس قازاقستان وبلىسىنداعى زايسان كٶلٸنٸڭ جاعالاۋىندا دەمالىس ورنىن ۇيىمداستىرعان كەسٸپكەرلەر قوقىستى ارنايى شۇڭقىرلارعا كٶمٸپ كەلگەن. مەسەلە قوعام نازارىن اۋدارعاننان كەيٸن اۋماق تازارتىلىپ, كەسٸپ يەلەرٸنە ايىپپۇل سالىندى. بۇل تۋرالى جۋرناليست ميحايل كوزاچكوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, وسى اپتادا جاننا ەسٸمدٸ تۇرعىن Threads ەلەۋمەتتٸك جەلٸسٸندە زايسان كٶلٸنٸڭ جاعاسىنان تٷسٸرٸلگەن بەينەجازبالاردى جارييالاعان. كادرلاردان دەمالىس اۋماعىنا كيٸز ٷيلەر تٸگٸلگەنٸن, ال جينالعان قوقىستىڭ ٷلكەن شۇڭقىرلارعا كٶمٸلگەنٸن كٶرۋگە بولادى.
بەينەجازبا ەلەۋمەتتٸك جەلٸ مەن بۇقارالىق اقپارات قۇرالدارىنا تاراعاننان كەيٸن مەسەلەگە جەرگٸلٸكتٸ بيلٸك نازار اۋدارعان.
"نەتيجەسٸندە كەشە وقيعا ورنىنا ارنايى تەحنيكا جەتكٸزٸلدٸ. كٶمٸلگەن قوقىستىڭ بەرٸ قايتا قازىپ الىنىپ, شۇڭقىرلار جابىلدى. ال كەسٸپ يەلەرٸنە ايىپپۇل سالىندى", - دەپ جازدى جۋرناليست.
ميحايل كوزاچكوۆ بۇل جاعدايدى قوعامنىڭ بەلسەندٸلٸگٸ ناقتى نەتيجەگە جەتكٸزگەن جاقسى جاڭالىق ەكەنٸن اتاپ ٶتتٸ.
