Shyǵys Qazaqstan oblysyndaǵy Zaisan kóliniń jaǵalaýynda demalys ornyn uiymdastyrǵan kásipkerler qoqysty arnaiy shuńqyrlarǵa kómip kelgen. Másele qoǵam nazaryn aýdarǵannan keiin aýmaq tazartylyp, kásip ielerine aiyppul salyndy. Bul týraly jýrnalist Mihail Kozachkov málimdedi, dep habarlaidy dalanews.kz.
Onyń aitýynsha, osy aptada Janna esimdi turǵyn Threads áleýmettik jelisinde Zaisan kóliniń jaǵasynan túsirilgen beinejazbalardy jariialaǵan. Kadrlardan demalys aýmaǵyna kiiz úiler tigilgenin, al jinalǵan qoqystyń úlken shuńqyrlarǵa kómilgenin kórýge bolady.
Beinejazba áleýmettik jeli men buqaralyq aqparat quraldaryna taraǵannan keiin máselege jergilikti bilik nazar aýdarǵan.
"Nátijesinde keshe oqiǵa ornyna arnaiy tehnika jetkizildi. Kómilgen qoqystyń bári qaita qazyp alynyp, shuńqyrlar jabyldy. Al kásip ielerine aiyppul salyndy", - dep jazdy jýrnalist.
Mihail Kozachkov bul jaǵdaidy qoǵamnyń belsendiligi naqty nátijege jetkizgen jaqsy jańalyq ekenin atap ótti.
