قۇرمەتتى ەلشى قاشىقتىقتان وقىتۋ بارىسىندا ايانباي جۇمىس جاساعان ۇستازدارعا ەرەكشە العىسىن ءبىلدىردى.
سونداي-اق، ءوڭىرىمىزدىڭ كيەلى ورىندارىنا قىزىعۋشىلىق تانىتقان ءقادىرلى مەيمان وتىرار اۋدانىنداعى «ارىستان باب» كەسەنەسىندە دە بولدى.
– تاريحي ماڭىزى بار عيماراتتار مەن قاسيەتتى ورىنداردىڭ كەلبەتىن ساقتاپ قالۋ – مەملەكەت ءۇشىن ماڭىزدى. مەنىڭ وسى جولعى قازاقستانعا ساپارىمنىڭ باستى ماقساتى – «ارىستان باب» كەسەنەسىندە بولىپ، كونە وتىرار جەرىندەگى ساۋلەت ونەرى ەسكەرتكىشىنىڭ تاريحقا تولى كەرەمەتىن تاماشالاۋ ەدى. مەن وتە قۋانىشتىمىن. قالانىڭ تىنىس تىرشىلىگى، مادەنيەتى، ءتىپتى اۋا رايى ەرەكشە اسەر قالدىرعانىن جاسىرمايمىن، – دەدى ليات ۆەكسەلمان.
ساپاردىڭ ەكىنشى كۇنى، ەلشى ليات ۆەكسەلمان تولەبي اۋدانىنداعى №2 تولەبي بالالار ۇيىنە باردى. ونداعى بالالار ۇيىنە ارنالعان 70 گەكتار قيار القابىندا بولىپ، تامشىلاتىپ سۋارۋ ادىسىنە ارنالعان شارانىڭ اشىلۋ سالتاناتىنا قاتىسىپ، لەنتاسىن قيدى. سالتاناتتى شارادان سوڭ، ەستەلىك كىتابىنا تىلەگىن جازىپ، قولتاڭباسىن قالدىردى.
