ۇلتتىق قۇرىلتاي مۇشەسى، يسلامتانۋشى قايرات جولدىباي ۇلى ءدىن سالاسىنداعى وزەكتى ماسەلەلەردى كوتەرىپ، ولاردى شەشۋ بويىنشا بىرنەشە ۇسىنىسىن جەتكىزدى، دەپ حابارلايدى Dalanews.kz.
ونىڭ ايتۋىنشا، قازىرگى تاڭدا ءدىن تاقىرىبىندا كەز كەلگەن ادام پىكىر ءبىلدىرىپ، كەيدە ورىنسىز، ءتىپتى بۇرمالانعان اقپارات تاراتۋعا جول بەرىپ جاتىر.
"ءدىن سالاسىنىڭ مامانى بولسىن-بولماسىن، ايتەۋىر نە بولسا سونى ايتىپ جۇرگەندەر كوبەيىپ كەتتى. سوندىقتان وسىنداي ادامدارعا جاۋاپكەرشىلىك جۇكتەيتىن زاڭ قابىلداۋ قاجەت. ويتكەنى ءجونسىز اڭگىمەلەر اسىرەسە جاستاردىڭ تەرىس باعىتتا ءبىلىم الۋىنا جانە حالىقتىڭ دىنگە دەگەن كوزقاراسىنىڭ وزگەرۋىنە سەبەپ بولىپ وتىر"، – دەدى يسلامتانۋشى.
سونداي-اق ول ءدىن مەن تاريحي تۇلعالارعا قاتىستى ورىنسىز پىكىرلەر مەن ادەپسىز سوزدەردىڭ جيىلەپ كەتكەنىن اتاپ ءوتتى.
"ەكىنشىدەن، ال-فارابيدەن باستاپ، اتا-بابالارىمىز ۇستانعان ءداستۇرلى دىنگە ءتىل تيگىزۋ ءۇردىسى بەلەڭ الىپ بارادى. الايدا مۇنداي ارەكەتتەر زاڭمەن رەتتەلمەگەن، كىنالىلەر جاۋاپقا تارتىلمايدى. بۇل – ۇلكەن ماسەلە"، – دەپ قوستى ول.
