يراننىڭ رۋحاني كٶشباسشىسى اياتوللا ەلي حامەنەي يزرايلدٸڭ يسلام رەسپۋبليكاسىنا جاساعان ەۋە شابۋىلىن قاتتى سىنعا الىپ, جاۋاپتىڭ قاتاڭ بولاتىنىن ەسكەرتتٸ, دەپ حابارلايدى Dalanews.kz.
بۇل تۋرالى يران اقپارات قۇرالدارى حابارلادى.
"يزرايل يرانعا قارسى اۋىر قىلمىس جاساپ, ٶزٸنٸڭ شىنايى بەت-بەينەسٸن كٶرسەتتٸ. بۇل ەرەكەتٸ ٷشٸن يزرايل اسا قاتال جازالانادى. وسى شابۋىل ارقىلى سيونيستٸك رەجيم ٶزٸنٸڭ تاعدىرىن ايقىنداپ بەردٸ. ەندٸ ولار اششى سالدارعا دايىندالا بەرسٸن, – دەدٸ حامەنەي.
13 ماۋسىمعا قاراعان تٷنٸ يزرايل ەسكەري-ەۋە كٷشتەرٸ يران اۋماعىنا "الدىن الا سوققى" بەردٸ. وسىدان كەيٸن يزرايل ٶز ەۋە كەڭٸستٸگٸن جاۋىپ تاستاعان بولاتىن. يزرايل قورعانىس كٷشتەرٸنٸڭ (تساحال) رەسمي مەلٸمدەمەسٸندە سوققىلار يراننىڭ يادرولىق باعدارلاماسىنا قاتىسى بار ونداعان نىساندار مەن ٶزگە دە ەسكەري وبەكتٸلەرگە جاسالعانى ايتىلادى.
13 ماۋسىم كٷنٸ تاڭەرتەڭ تساحال ٶتكەن تٷنٸ يران اۋماعىندا جٷزدەن اسا نىسانعا سوققى جاسالعانىن, وپەراتسيياعا 200 ەسكەري ۇشاق قاتىسقانىن مەلٸمدەدٸ.
يراننىڭ ەسكەري باسشىلارى مەن عالىمدارى قازا تاپتى. شەتەلدٸك باق-تا تاراعان مەلٸمەتتەرگە سٷيەنسەك, شابۋىل سالدارىنان يران قارۋلى كٷشتەرٸ باس شتابىنىڭ باسشىسى موحامماد باگەري, يسلام رەۆوليۋتسيياسىن قورعاۋ كورپۋسىنىڭ (كسير) قولباسشىسى حوسسەين سالامي جەنە يادرولىق باعدارلاما بويىنشا بەلگٸلٸ عالىمدار – فەرەيدۋن ابباسي-داۆاني مەن موحامماد مەحدي تەحرانچي قازا تاپقان. سونىمەن بٸرگە اياتوللا حامەنەيدٸڭ كەڭەسشٸسٸ ەلي شامحاني اۋىر جاراقات الىپ, اۋرۋحاناعا جەتكٸزٸلگەن.
ەلي حامەنەي 13 ماۋسىمداعى مەلٸمدەمەسٸندە وسى تۇلعالاردىڭ قازا تاپقانىن راستاپ, ولاردى "شەيٸتتەر" دەپ اتادى.
تاڭەرتەڭگٸ اقپارات بويىنشا, يران باس شتابىنىڭ ۋاقىتشا باسشىسى بولىپ حابيبوللا سايياري تاعايىندالدى. ال كسير قولباسشىسى گەنەرال احماد ۆاحيدي بولدى.
كسير باسشىلىعى سالاميدٸڭ ٶلٸمٸ ٷشٸن يزرايلدەن كەك الاتىنىن مەلٸمدەدٸ. يران قارۋلى كٷشتەرٸ باس شتابىنىڭ ٶكٸلٸ ابولفازىل شەكارچي يزرايل تاراپىنىڭ اۋىر جاۋاپقا دايىندالۋى كەرەك ەكەنٸن ەسكەرتتٸ.
ٶز كەزەگٸندە يزرايل قارۋلى كٷشتەرٸ باس شتابىنىڭ باسشىسى ەيال زامير ەل تۇرعىندارىنا ٷندەۋ جاساپ, يران تاراپىنان قارىمتا شابۋىل جاسالۋى مٷمكٸن ەكەنٸن ەسكەرتتٸ.
"يران رەجيمٸ بٸزگە قارسى سوققى بەرۋگە تىرىسادى, سونىڭ سالدارىنان بولاتىن شىعىندار بۇعان دەيٸنگٸلەردەن دە ٶزگەشە بولۋى ىقتيمال", – دەدٸ زامير.
بۇعان دەيٸن سايتىمىزدا "يزرايلدٸڭ يرانعا سوققىسى: Brent مۇنايى قىمباتتاپ, عالامدىق نارىققا قاۋٸپ تٶندٸ" دەگەن ماقالا جارييالانعان بولاتىن.
