قازاقستاننىڭ ٸشكٸ ٸستەر مينيسترلٸگٸ ينتەرنەت الاياقتىق دەرەكتەرٸنٸڭ كٶبەيٸپ بارا جاتقانىن ەسكەرتتٸ. ەسٸرەسە "ينۆەستيتسييا", "جوباعا قارجى سالۋ" ارقىلى جىلدام ەرٸ كەپٸلدٸ تابىس ۋەدە ەتەتٸن سحەمالار جيٸلەگەن, دەپ حابارلايدى Dalanews.kz.
پوليتسييانىڭ مەلٸمەتٸنشە, الاياقتار مەسسەندجەرلەر مەن ەلەۋمەتتٸك جەلٸلەردە ديپفەيك پەن جاساندى ينتەللەكت تەحنولوگييالارىن پايدالانىپ, تانىمال ادامداردىڭ بەينەسٸن قولدانۋ ارقىلى ازاماتتاردى جالعان "ينۆەستيتسييالىق جوبالار" مەن "قورلارعا" تارتۋدا.
"جالعان بروكەرلەرمەن بايلانىسقا تٷسكەن ازاماتتارعا موبيلدٸ قوسىمشالار ورناتۋ, سٸلتەمەلەرگە ٶتۋ نەمەسە ٷشٸنشٸ تۇلعالاردىڭ ەسەپشوتتارىنا "ينۆەستيتسييا", "اككاۋنتتى بەلسەندٸرۋ" نە "پايدانى ارتتىرۋ" دەگەن جەلەۋمەن اقشا اۋدارۋ ۇسىنىلادى. قاراجات اۋدارىلعاننان كەيٸن الاياقتار بايلانىسىن ٷزٸپ, ۋەدە ەتٸلگەن تابىس تٷسپەيدٸ. كەي جاعدايدا ولار "سالىق", "كوميسسييا", "ساقتاندىرۋ جارناسى" دەگەن سىلتاۋمەن تاعى دا اقشا تالاپ ەتە بەرەدٸ", - دەپ حابارلادى ٸٸم.
وسىعان بايلانىستى ٸٸم-نٸڭ كيبەرقىلمىسقا قارسى ٸس-قيمىل دەپارتامەنتٸ ازاماتتارعا مىناداي كەڭەس بەرەدٸ:
- "كەپٸلدٸ تابىس" تۋرالى ۋەدەلەرگە سەنبەۋ;
- بەلگٸسٸز ادامدارعا جەنە كٷمەندٸ ەسەپشوتتارعا اقشا اۋدارماۋ;
- كٷدٸكتٸ سٸلتەمەلەرگە ٶتپەۋ;
- تەكسەرٸلمەگەن كٶزدەردەن قوسىمشالار ورناتپاۋ;
- كومپانييالار تۋرالى اقپاراتتى تەك رەسمي دەرەككٶزدەر مەن مەملەكەتتٸك رەەسترلەر ارقىلى تەكسەرۋ;
- ينۆەستيتسييالىق نارىقتى زەرتتەپ, تەك سەنٸمدٸ ەرٸ رەسمي كومپانييالارعا جٷگٸنۋ.
ٸٸم ينتەرنەت-الاياقتىقپەن كٷرەستٸ جالعاستىرىپ, ازاماتتاردى ونلاين قارجىلىق وپەراتسييالار كەزٸندە بارىنشا ساق بولۋعا شاقىرادى.
