اقتٶبە وبلىسىندا ينتەرنەت ارقىلى ەسٸرتكٸ تاراتۋمەن اينالىسقان ۇيىمداسقان قىلمىستىق توپقا ٷكٸم شىقتى, دەپ حابارلايدى Dala News.
پروكۋراتۋرا مەلٸمەتٸنشە, 6 كٷدٸكتٸ كٸنەلٸ دەپ تانىلىپ, ولارعا 15 جىلدان 17 جىلعا دەيٸن باس بوستاندىعىنان ايىرۋ جازاسى تاعايىندالعان.
تەرگەۋ بارىسىندا قىلمىستىق توپتىڭ Telegram مەسسەندجەرٸ ارقىلى «بايلانىسسىز» تەسٸلمەن ەسٸرتكٸ ساتقانى انىقتالعان. تٶلەمدەر ارنايى «دروپپەرلەردٸڭ» بانك كارتالارى ارقىلى جٷرگٸزٸلگەن.
كٷدٸكتٸلەر اقتٶبە, قاراعاندى, سولتٷستٸك قازاقستان, اقمولا وبلىستارى مەن استانا قالاسىندا ۇستالعان.
وپەراتسييا بارىسىندا زاڭسىز اينالىمنان 10 كەلٸدەن استام پسيحوتروپتىق زات تەركٸلەنگەن. سونىمەن قاتار «Qymyz shop» ينتەرنەت-دٷكەنٸنٸڭ قىزمەتٸ تولىق توقتاتىلدى.
پروكۋراتۋرانىڭ مەلٸمەتٸنشە, ٶڭٸردە جىل باسىنان بەرٸ ەسٸرتكٸ قىلمىسىنا قارسى جۇمىستار كٷشەيتٸلگەن. اتاپ ايتقاندا:
— 20-دان استام ناركوماگازين جارناماسى جويىلعان;
— 500-دەن استام پروفيلاكتيكالىق ٸس-شارا ٶتكٸزٸلٸپ, 13 مىڭنان استام ادام قامتىلعان;
— 2 مىڭعا جۋىق بانك شوتى مەن 34 مىڭ شەتەلدٸك كارتا بۇعاتتالعان (65,5 ملن تەڭگە);
— ەسٸرتكٸگە قاتىستى 260 Telegram-ارنا مەن ينتەرنەت-رەسۋرسقا قولجەتٸمدٸلٸك شەكتەلگەن.
قۇزىرلى ورگاندار مۇنداي قىلمىستارعا قارسى كٷرەس جالعاساتىنىن مەلٸمدەدٸ.
