جەلتوقساندا ەلدە جىلدىق ينفلياسيا جەدەلدەپ، 8،6% بولدى (قاراشادا – 8،4%). جىلدىق ينفلياسيا 10 وڭىردە جەدەلدەدى، 9 وڭىردە باياۋلاپ، 1 وڭىردە وزگەرىسسىز قالدى، دەپ جازادى Dalanews.kz ق ر ۇلتتىق بانكتىڭ باسپا ءسوز قىزمەتىنە سىلتەمە جاساپ.    

رەتتەۋشى ورگان مالىمەتىنشە، جىلدىق ينفلياسيانىڭ ەڭ جوعارى ءمانى استانا قالاسىندا تىركەلدى.

جەلتوقساندا ازىق-تۇلىك تاۋارلارىنىڭ باعاسى ج/ج 5،5%-عا دەيىن جەدەلدەدى  (قاراشادا – 5،4%). وسى توپتاعى تاۋارلار باعاسىندا ماكسيمالدى ءوسىم جەتىسۋ وبلىسىندا (7،9%)، مينيمالدى ءوسىم تۇركىستان وبلىسىندا (3،0%) تىركەلدى.

ازىق-تۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 8،3%-عا دەيىن ۇدەدى (قاراشادا – 8،0%). ەڭ جوعارى ءمان تۇركىستان وبلىسىندا (13،2%)، ەڭ تومەنگى ءمان پاۆلودار وبلىسىندا (5،3%) تىركەلدى.

جەلتوقساندا اقىلى قىزمەتتەر باعاسى ج/ج 13،3% بولىپ بۇرىنعى دەڭگەيدە ساقتالدى (قاراشادا – 13،3%). سونىمەن قاتار باعا استانا قالاسىندا (16،9%) جالپى رەسپۋبليكالىق دەڭگەيدەن ءبىرشاما جوعارى، تۇركىستان وبلىسىندا (9،5%) ءوسىم ايتارلىقتاي تومەن بولدى.

جەلتوقساندا ەلىمىز بويىنشا ايلىق ينفلياسيا 0،9%-عا ءوستى، بۇل – بۇرىنعى ورتاشا مانىنەن جوعارى (2017-2021 جىلدارداعى جەلتوقساندا – 0،7%).

سونداي-اق اتالعان تاقىرىپقا وراي بۇگىن سايتىمىزدا "مەملەكەتتىك مەكەمەلەر ازىق-تۇلىكتى بىرنەشە پايىز جوعارى باعامەن ساتىپ الىپ كەلگەن" دەگەن ماقالا جاريالاندى.