Jeltoqsanda elde jyldyq infliatsiia jedeldep, 8,6% boldy (qarashada – 8,4%). Jyldyq infliatsiia 10 óńirde jedeldedi, 9 óńirde baiaýlap, 1 óńirde ózgerissiz qaldy, dep jazady Dalanews.kz QR Ulttyq banktiń baspasóz qyzmetine silteme jasap.
Retteýshi organ málimetinshe, jyldyq infliatsiianyń eń joǵary máni Astana qalasynda tirkeldi.
Jeltoqsanda azyq-túlik taýarlarynyń baǵasy j/j 5,5%-ǵa deiin jedeldedi (qarashada – 5,4%). Osy toptaǵy taýarlar baǵasynda maksimaldy ósim Jetisý oblysynda (7,9%), minimaldy ósim Túrkistan oblysynda (3,0%) tirkeldi.
Azyq-túlikke jatpaityn taýarlar baǵasynyń ósý qarqyny j/j 8,3%-ǵa deiin údedi (qarashada – 8,0%). Eń joǵary mán Túrkistan oblysynda (13,2%), eń tómengi mán Pavlodar oblysynda (5,3%) tirkeldi.
Jeltoqsanda aqyly qyzmetter baǵasy j/j 13,3% bolyp burynǵy deńgeide saqtaldy (qarashada – 13,3%). Sonymen qatar baǵa Astana qalasynda (16,9%) jalpy respýblikalyq deńgeiden birshama joǵary, Túrkistan oblysynda (9,5%) ósim aitarlyqtai tómen boldy.
Jeltoqsanda elimiz boiynsha ailyq infliatsiia 0,9%-ǵa ósti, bul – burynǵy ortasha máninen joǵary (2017-2021 jyldardaǵy jeltoqsanda – 0,7%).
Sondai-aq atalǵan taqyrypqa orai búgin saitymyzda "Memlekettik mekemeler azyq-túlikti birneshe paiyz joǵary baǵamen satyp alyp kelgen" degen maqala jariialandy.
