يلون ماسك جاساندى ينتەللەكتتٸڭ دامۋى جۇمىسسىزدىقتى ارتتىرۋى مٷمكٸن ەكەنٸن ايتىپ, اقش ٷكٸمەتٸنە ازاماتتارعا تۇراقتى تٶلەم ەنگٸزۋدٸ ۇسىندى, دەپ حابارلايدى Dalanews.kz.
ونىڭ ايتۋىنشا, مەملەكەت ادامدارعا چەك تٷرٸندە «جالپىعا بٸردەي جوعارى تابىس» تٶلەۋٸ تيٸس. بۇل تٶلەمدەر جاساندى ينتەللەكت پەن روبوتتاردىڭ سالدارىنان جۇمىسىنان ايىرىلعان ازاماتتارعا ٶتەماقى رەتٸندە بەرٸلۋٸ قاجەت.
بيزنەسمەننٸڭ پٸكٸرٸنشە, جاساندى ينتەللەكت پەن روبوتوتەحنيكا تاۋارلار مەن قىزمەتتەردٸ اقشا ماسساسىنىڭ ٶسٸمٸنەن ەلدەقايدا كٶپ كٶلەمدە ٶندٸرەدٸ, سوندىقتان ينفلياتسييا بولمايدى.
ماسك بۇل يدەيا ارقىلى تەحنولوگييا دامىعان زاماندا ادامداردىڭ تابىسسىز قالماۋىن قامتاماسىز ەتۋ ماڭىزدى ەكەنٸن مەڭزەدٸ.
