تۇركى الەمىنىڭ رۋحاني استاناسى – تۇركىستانداعى «ازىرەت سۇلتان» قورىق-مۇراجايىنىڭ اۋماعىندا قوجا احمەت ياساۋي، رابيا سۇلتان بەگىم، ەسىمحان مازارلارى مەن سەگىز بۇرىشتى كەسەنە، بۇرىنعى كازارما عيماراتى مەن بەكىنىس قابىرعاسى ورنالاسقان. كەسەنەنى جارىقتاندىرۋدىڭ بىرەگەي جوباسىن جۇزەگە اسىرۋ كەزىندە ەسكەرتكىشتىڭ دارالىعىن، تۇتاستىعى مەن شىنايىلىعىن، ونىڭ ءدىني جانە تاريحي قۇندىلىعىن، ءاربىر بولشەگىن ساقتاۋ تالاپ ەتىلدى ، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جاقىن ۋاقىتتا تۋريستەر ءۇشىن ەرەكشە تارتىمدى نىسانداردىڭ بۇكىلالەمدىك تىزىمىنە كىرگەن قاسيەتتى مەكەننىڭ عاجايىپ ساۋلەت تۋىندىسى الىستان جارقىراپ، كوزگە تۇسەتىن بولادى. جوبانىڭ تەحنيكالىق ديرەكتورى باعيلا يساكوۆا ساۋلەتتىڭ قۇندىلىعىن پاش ەتۋ ءۇشىن ءاربىر بولشەگى جان-جاقتى جارىقتاندىرىلاتىنىن اتاپ ءوتتى.

– بۇل كەسەنەنىڭ اياقتالماي قالعان نەگىزگى قاسبەتى، سەگىز بۇرىشتى نەگىزى بار ۇلكەن كۇمبەز جانە پانەلدەرى بار تەتراەدرلىك نەگىز، تاۋاشالار، ەپيگرافيالىق ورنەكتەرى بار گەومەتريالىق ورنەكتەرى بار جىلتىراتىلعان پليتكالار. قاسيەتتى جەر ەكەنىن كورسەتەتەدى جانە ناماز وقۋعا دا، تۋريزمگە دە قولايلى اتموسفەرا جاسايدى، – دەيدى جوبا جەتەكشىسى.

جوباعا كىرىسپەس بۇرىن اييا سوفيا (ىستامبۇل، تۇركيا)، شاردجا (شاردجا، ءباا) جانە باسقا دا مەشىتتەردە جاسالعان ۇقساس جوبالاردى تىڭعىلىقتى زەرتتەۋ جانە تالداۋ جۇمىستارى جۇرگىزىلدى. جوبا «قازرەستاۆراسيا» رمك مەن «ازىرەت سۇلتان» مۋزەي-قورىعى ماماندارى، رەستاۆراتورلارى مەن ارحەولوگتارىنىڭ ۇسىنىستارىن ەسكەرە وتىرىپ جۇزەگە اسىرىلادى.

دەربەس جارىقتاندىرۋ شەشىمى زاماناۋي جارىقديودتى تەحنولوگيانىڭ جانە ءارتۇرلى شامداردى قولدانۋ ناتيجەسىندە جاسالادى. ياساۋي كەسەنەسىن جارىقتاندىرۋ جوباسىندا شامامەن 187 شام قولدانىلادى. كەسەنە قابىرعالارىن بىركەلكى جارىقتاندىرۋ ءۇشىن رەستاۆراسيالىق ماتەريالداردىڭ ءتۇپنۇسقالىعىن ەسكەرە وتىرىپ، جەرگە ءار ءتۇرلى وپتيكاداعى سىزىقتىق شامداردى قولدانۋ تۋرالى شەشىم قابىلداندى.

ماماندار جوبانى تەستىلەۋ كەزىندە قوجا احمەت ياساۋي كەسەنەسىنىڭ سىرتقى كەلبەتى بەزەندىرىلگەن كەراميكانىڭ ەرەكشە قاسيەتى انىقتاعانىن ايتادى. وپتيكا مەن جارىق سيپاتتامالارىنىڭ وزگەرۋى كەزىندە ەپيگرافيكانىڭ ءارتۇرلى ەلەمەنتتەرى كورىنەدى، ياعني كەسەنە قابىرعالارىندا كالليگرافيالىق جازۋلار كورىنەتىن بولادى. كەسەنەنىڭ ءدال وسى تاڭعاجايىپ كورىنىسى جارىقتاندىرۋدىڭ ەڭ نەگىزگى ەرەكشەلىگىنە اينالماق.