باقىتگۇل حامەنوۆا اتىراۋ وبلىسى اكىمىنىڭ ورىنباسارى بولىپ تاعايىندالدى. جاڭا ورىنباساردى اكتيۆكە اتىراۋ وبلىسىنىڭ اكىمى ماحامبەت دوسمۇحامبەتوۆ تانىستىردى.

ەسكە سالا كەتەلىك، باقىتگۇل حامەنوۆا 2016 جىلدىڭ  24 ناۋرىزىنان باستاپ قازاقستان رەسپۋبليكاسى پارلامەنتى ءماجىلىسى دەپۋتاتى لاۋازىمىندا بولعان ەدى.

جاڭا ورىنباساردى اتىراۋلىقتار ءارى جۋرناليست، ءارى پەداگوگ رەتىندە جاقسى تانيدى. ءماجىلىس دەپۋتاتتىعىنا سايلانعانعا دەيىن  باقىتگۇل حامەنوۆا اتىراۋ كاسپيي ءوڭىرىنىڭ قازىرگى زامانداعى كوللەدجىن باسقارعان ەدى.

 

حامەنوۆا باقىتگۇل قايىرجان قىزى

اتىراۋ وبلىسى اتىراۋ قالاسىندا 1981 جىلى تۋعان.

ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن بىتىرگەن، قازاق ءتىلى جانە ادەبيەتى پاندەرىنىڭ ءمۇعالىمى؛

ءال-فارابي اتىنداعى قازاق ۇلتتىق ۋنيۆەرسيتەتىنىڭ  اسپيرانتى؛

اتىراۋ مۇناي جانە گاز ينستيتۋتىن  مۇناي جانە گاز ينجەنەرى ماماندىعى بويىنشا اياقتاعان؛

م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن ەكونوميكا جانە بيزنەس باكالاۆرى بويىنشا ءتامامداعان. فيلولوگيا عىلىمدارىنىڭ كانديداتى.

1999-2001 جىلدارى اتىراۋ وبلىستىق تەلەراديو-اقپاراتتىق كومپانياسىنىڭ ديكتورى، رەداكتورى.

2001-2004 جىلدارى اتىراۋ مۇناي جانە گاز ينستيتۋتىنىڭ قازاق جانە ورىس تىلدەرى كافەدراسىنىڭ وقىتۋشىسى، ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ەليتارلىق مەكتەبى ديرەكتورىنىڭ تاربيە جۇمىسى جونىندەگى ورىنباسارى.

2004-2005 جىلدارى «راحات تۆ» اتىراۋ تەلەراديو حابارلارىن تاراتۋ فيليالى قازاق رەداكسياسىنىڭ كوررەسپوندەنتى.

2005-2016 جىلدارى اتىراۋ كاسپيي ءوڭىرىنىڭ قازىرگى زامانداعى كوللەدجىنىڭ ديرەكتورى.

2016 جىلعى 24 ناۋرىزدان باستاپ – التىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.

«نۇر وتان» پارتياسىنىڭ مۇشەسى، پارتيانىڭ ساياسي كەڭەسىنىڭ مۇشەسى.