ەڭ ٸرٸ يمپورتتاۋشى ەل بولىپ تابىلاتىن قىتايدىڭ سۇرانىسى 2027 جىلى ٶز شىڭىن يگەرەتٸنٸنە قاراماستان, مۇنايعا دەگەن ەلەمدٸك سۇرانىس الداعى ونجىلدىقتىڭ سوڭىنا دەيٸن ارتا بەرەدٸ. بٷگٸن, 17 ماۋسىمدا حالىقارالىق ەنەرگەتيكالىق اگەنتتٸگٸ (حەا) وسىلاي دەپ حابارلادى. بۇل تۋرالى Reuters جازادى, دەپ حابارلايدى Dalanews.kz.
اگەنتتٸك ٶزٸنٸڭ بۇل بولجامىنا ارزان بەنزيننٸڭ بولۋى مەن ەلەكتروموبيلدەر قولدانىسى باياۋ جٷرگٸزٸلٸپ جاتۋىنا بايلانىستى اقش-تىڭ مۇناي تۇتىنىسىن ەلٸ قولداۋى نەگٸز بولاتىنىن ايتادى.
حەا وسى ونجىلدىقتا سۇرانىس ٶز شىڭىنا جەتەدٸ دەگەن بولجامىن ٶزگەرتكەن جوق. ال بۇل بولجام وپەك ٶندٸرۋشٸلەر توبىنىڭ پٸكٸرٸنە مٷلدەم قايشى كەلەدٸ. مۇنايعا دەگەن بٸر تەۋلٸكتەگٸ سۇرانىس كٶلەمٸ 2029 جىلعا قاراي 105,6 ميلليون باررەلگە جەتەدٸ, ال 2030 جىلى, حەا-نىڭ ەسەبٸندە كٶرسەتٸلگەندەي, ازداپ تٶمەندەيدٸ. سونىمەن قاتار, جاھاندىق ٶندٸرٸستٸك قۋاتتىلىق 2030 جىلعا قاراي تەۋلٸگٸنە 5 ملن باررەلدەن 114,7 ملن باررەلگە دەيٸن ارتادى دەپ بولجانادى.
يزرايل مەن يران اراسىنداعى قاقتىعىس تاياۋ شىعىستان تاسىمال قاۋٸپ-قاتەرٸن ارتتىرىپ, بۇل ٶز كەزەگٸندە مۇناي باعاسىن 5% -عا جوعارلاتىپ, بٸر باررەل قۇنى 74 دوللاردان اسۋىنا تٷرتكٸ بولدى.
"ٸرگەلٸ كٶرسەتكٸشتەرگە سٷيەنە وتىرىپ, مۇناي نارىقتارى الداعى جىلدارى جاقسى قامتاماسىز ەتٸلەتٸن سيياقتى. بٸراق سوڭعى وقيعالار مۇناي جەتكٸزٸلٸمٸنٸڭ قاۋٸپسٸزدٸگٸ ٷشٸن ماڭىزدى گەوساياسي تەۋەكەلدەر بارىن كٶرسەتەدٸ", — دەدٸ حەا اتقارۋشى ديرەكتورى فاتيح بيرول مەلٸمدەمەسٸندە.
