بۇگىن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيا وتىرىسىندا جەكەشەلەندىرۋدىڭ 2025 جىلعا دەيىنگى كەشەندى جوسپارى قايتا قارالدى.
قىزىلوردا وبلىسىندا جەكەشەلەندىرۋدىڭ كەشەندى جوسپارىنا سايكەس باسەكەلەستىك ورتاعا بەرۋگە جاتاتىن 13 نىسان ەنگىزىلگەن. وتكەن جىلى ساۋدا-ساتتىققا 9 وبەكت كوزدەلىپ، 3 نىسان ساتىلدى.
كوميسسيا وتىرىسىنىڭ قورىتىندىسىمەن جەكەشەلەندىرۋدىڭ كەشەندى جوسپارىنا ۇسىنىلعان تۇزەتۋلەر قارالىپ، ايماقتاعى 4 نىساندى جەكەشەلەندىرۋ تىزبەسىنەن الىپ تاستاۋ ماقۇلداندى.
– «قىزىلوردا سۋ جۇيەسى»، «قىزىلوردا جىلۋەلەكترورتالىعى»، «قىزىلوردا ەلەكتر تاراتۋ توراپتارى كومپانياسى» سەكىلدى ماڭىزدى نىساندار جەكەشەلەندىرىلمەيدى.
"بۇل نىساندار مەملەكەتتىك مەنشىكتە بولۋى كەرەك. مادەني نىساندار مەن دەمالىس پاركى دە مەملەكەتتىڭ مەنشىگىندە بولادى. سوندىقتان بۇل باعىتتا حالىققا كەڭىنەن ءتۇسىندىرۋ جۇمىستارىن جۇرگىزۋ قاجەت"، – دەدى ن.نالىبايەۆ.
