Búgin ekonomikany jańǵyrtý máseleleri jónindegi memlekettik komissiia otyrysynda jekeshelendirýdiń 2025 jylǵa deiingi keshendi jospary qaita qaraldy.
Qyzylorda oblysynda jekeshelendirýdiń Keshendi josparyna sáikes básekelestik ortaǵa berýge jatatyn 13 nysan engizilgen. Ótken jyly saýda-sattyqqa 9 obekt kózdelip, 3 nysan satyldy.
Komissiia otyrysynyń qorytyndysymen Jekeshelendirýdiń keshendi josparyna usynylǵan túzetýler qaralyp, aimaqtaǵy 4 nysandy jekeshelendirý tizbesinen alyp tastaý maquldandy.
– «Qyzylorda Sý júiesi», «Qyzylorda jylýelektrortalyǵy», «Qyzylorda elektr taratý toraptary kompaniiasy» sekildi mańyzdy nysandar jekeshelendirilmeidi.
"Bul nysandar memlekettik menshikte bolýy kerek. Mádeni nysandar men demalys parki de memlekettiń menshiginde bolady. Sondyqtan bul baǵytta halyqqa keńinen túsindirý jumystaryn júrgizý qajet", – dedi N.Nálibaev.
