«حالىق ارنا» تەلەارناسى اشىلادى

«حالىق ارنا» تەلەارناسى اشىلادى – قمدب

Dalanews 07 قار. 2020 10:08 862

نۇر-سۇلتان. قازاقپارات – «حالىق ارنا» اشىلعاندىقتان، «اسىل ارنا» تەلەارناسى جابىلادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگىدە قمدب ءتوراعاسىنىڭ ورىنباسارى ەرشات وڭعاروۆ ايتتى، دەپ حابارلايدى قازاقپارات ءتىلشىسى.

«قمدب ءتوراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن بيىل 3 قاراشادا ءمۇفتياتتىڭ ءتول ارناسى «حالىق ارنانىڭ» اشىلعانىن زور قۋانىشپەن جەتكىزەمىن. ءدىني باسقارمانىڭ ءتول ارناسىن اشۋ جىل باسىنان بەرى قولعا الىنىپ كەلە جاتقان ءىس. وسى باعىتتا ءبىرقاتار جۇمىس ىستەلگەن بولاتىن. «حالىق ارنانىڭ» ءمۇفتياتتىڭ 30 جىلدىعى قارساڭىندا اشىلۋىنىڭ دا ءمانى بار. قازىرگى ۋاقىتتا مۋفتياتتىڭ مەديا سالاسىنداعى الەۋەتى جىلدان جىلعا جەتىلىپ كەلەدى. 30 جىل مەرزىم ىشىندە «يمان» جۋرنالى جانە «مۇنارا» گازەتى وقىرمانعا جول تارتتى. بۇگىندە قمدب-نا قاراستى 21 سايت جۇمىس ىستەيدى. ءمۇفتيات جانىنان اشىلعان «حيكمەت» تەلە-راديو ستۋدياسى بار. ءدىني، رۋحاني باعىتتاعى اۋديو، ۆيدەو بولىمدەرىن جاماعاتقا 10 جىلدان بەرى ۇسىنىپ كەلەدى. باس ءمۇفتي ناۋرىزباي قاجى تاعان ۇلى حالىقتڭ وتىنىشىمەن ءمۇفتياتتىڭ مەديا سالاسىنداعى الەۋەتىن ەسكەرە كەلە «حالىق ارنا» تەلەارناسىن اشۋ تۋرالى شەشىم قابىلدادى. قازىرگى تاڭدا «حالىق ارنا» ءوز جۇمىسىن جۇرگىزىپ جاتىر. جەكە عيمارات، ماتەريالدىق-تەحنيكالىق قاجەتتىلىكپەن جابدىقتالعان. ارنا «وتاۋتۆ» جانە ءىD سيفرلىق تەلەارناسى ارقىلى ەلىمىزدىڭ تۇكپىر-تۇكپىرىنە تاراتىلىپ وتىر. تەلەارنانىڭ باس ديرەكتورى نۇرجان دارقۇلوۆ مىرزا تاعايىندالدى. ول ءوز ماماندىعىنىڭ بىلگىرى»، - قمدب ءتوراعاسىنىڭ ورىنباسارى ەرشات وڭعاروۆ ونىڭ ايتۋىنشا، ەلىمىزدە ءبىر عانا ءدىني ارنا جۇمىس جۇرگىزۋى جانە ول ءمۇفتياتتىڭ يەلىگىندە بولۋى قۇپتارلىق ءىس ەكەنىن ايتتى. «وسى رەتتى «حالىق ارنا» اشىلعاندىقتان «اسىل ارنا» تەلەارناسىنىڭ جابىلاتىنىن جەتكىزگىم كەلەدى. بۇل تۋرالى «اسىل ارنا» تەلەارناسىنىڭ ديرەكتورى مۇحامەتجان تازابەكوۆ قمدب جانىنداعى عۇلامالار كەڭەسىنىڭ وتىرىسىنا كەلىپ مالىمدەدى. تىرنەكتەپ جيناعان كونتەنتتىك ءارحيۆىن «حالىق ارناعا» تولىق تاپسىراتىنىن ايتتى. «حالىق ارنا» تەك ءدىني مازمۇنداعى تەلەباعدارلامالارمەن شەكتەلمەيدى. ءبىز ەفير باعىتىن يسلام يسلام ءدىنىنىڭ دۇرىس تانىمىن جەتكىزۋ، اسىل قۇندىلىقتارىن دارىپتەۋمەن قاتار تاريحي تاعىلىمدىق جاعىنا قازاقى سالت-داستۇرگە باسىمدىق بەرەمىز. ەفيردى ساپالى كونتەنتپەن تولتىرۋ وڭاي ەمەس. سول ءۇشىن ارنايى جوبالار مەن كورەرمەننىڭ وىنان شىعاتىن باعدارلامالار دايىندالۋ بارىسىندا»، - دەيدى ول.

دەرەككوز: www.inform.kz/