«Halyq arna» telearnasy ashylady – QMDB
«QMDB tóraǵasy, Bas múfti Naýryzbai qajy Taǵanulynyń bastamasymen biyl 3 qarashada múftiiattyń tól arnasy «Halyq arnanyń» ashylǵanyn zor qýanyshpen jetkizemin. Dini basqarmanyń tól arnasyn ashý jyl basynan beri qolǵa alynyp kele jatqan is. Osy baǵytta birqatar jumys istelgen bolatyn. «Halyq arnanyń» múftiiattyń 30 jyldyǵy qarsańynda ashylýynyń da máni bar. Qazirgi ýaqytta mýftiiattyń media salasyndaǵy áleýeti jyldan jylǵa jetilip keledi. 30 jyl merzim ishinde «Iman» jýrnaly jáne «Munara» gazeti oqyrmanǵa jol tartty. Búginde QMDB-na qarasty 21 sait jumys isteidi. Múftiiat janynan ashylǵan «Hikmet» tele-radio stýdiiasy bar. Dini, rýhani baǵyttaǵy aýdio, video bólimderin jamaǵatqa 10 jyldan beri usynyp keledi. Bas múfti Naýryzbai qajy Taǵanuly halyqtń ótinishimen múftiiattyń media salasyndaǵy áleýetin eskere kele «Halyq arna» telearnasyn ashý týraly sheshim qabyldady. Qazirgi tańda «Halyq arna» óz jumysyn júrgizip jatyr. Jeke ǵimarat, materialdyq-tehnikalyq qajettilikpen jabdyqtalǵan. Arna «OtaýTV» jáne ID tsifrlyq telearnasy arqyly elimizdiń túkpir-túkpirine taratylyp otyr. telearnanyń bas direktory Nurjan Darqulov myrza taǵaiyndaldy. Ol óz mamandyǵynyń bilgiri», - QMDB tóraǵasynyń orynbasary Ershat Ońǵarov Onyń aitýynsha, elimizde bir ǵana dini arna jumys júrgizýi jáne ol múftiiattyń ieliginde bolýy quptarlyq is ekenin aitty. «Osy retti «Halyq arna» ashylǵandyqtan «Asyl arna» telearnasynyń jabylatynyn jetkizgim keledi. Bul týraly «Asyl arna» telearnasynyń direktory Muhametjan Tazabekov QMDB janyndaǵy ǵulamalar keńesiniń otyrysyna kelip málimdedi. Tirnektep jinaǵan kontenttik arhivin «Halyq arnaǵa» tolyq tapsyratynyn aitty. «Halyq arna» tek dini mazmundaǵy telebaǵdarlamalarmen shektelmeidi. Biz efir baǵytyn islam islam dininiń durys tanymyn jetkizý, asyl qundylyqtaryn dáripteýmen qatar tarihi taǵylymdyq jaǵyna qazaqy salt-dástúrge basymdyq beremiz. Efirdi sapaly kontentpen toltyrý ońai emes. Sol úshin arnaiy jobalar men kórermenniń oynan shyǵatyn baǵdarlamalar daiyndalý barysynda», - deidi ol.
