قازاقستاننىڭ تٷكپٸر-تٷكپٸرٸنەن 550-دەن استام كوللەدج ستۋدەنتٸ قاتىسقان WorldSkills Kazakhstan كەسٸبي شەبەرلٸك بويىنشا رەسپۋبليكالىق چەمپيوناتى ٶز مەرەسٸنە جەتتٸ. ٷش كٷن بويى جاس ماماندار ٷزدٸكتەر قاتارىنان كٶرٸنۋ ٷشٸن باق سىناستى, دەپ حابارلايدى Dalanews.kz.
پرەزيدەنت جارييالاعان "جۇمىسشى ماماندىقتارى جىلى" اياسىندا بۇل شارانىڭ ماڭىزى ارتا تٷستٸ. چەمپيوناتتىڭ فيناليستەرٸمەن كەزدەسكەن پرەمەر-مينيستر ولجاس بەكتەنوۆ ولاردىڭ العان بٸلٸمدەرٸنٸڭ بٷگٸنگٸ تاڭدا اسا قاجەت ەكەنٸن اتاپ ٶتتٸ. ول تسيفرلىق ترانسفورماتسييا مەن تەحنولوگييالىق پروگرەسس تۋدىرعان سىن-قاتەرلەرگە دايىن بولۋدىڭ ماڭىزىنا ەرەكشە توقتالدى.
قاتىسۋشىلار ٶز شەبەرلٸكتەرٸن كٶرسەتكەن 30 باعىتتىڭ قاتارىندا دەستٷرلٸ ماماندىقتارمەن بٸرگە زاماناۋي سالالار دا قامتىلدى. ەلەكترومونتاج, ەنەرگەتيكا, كٸرپٸش قالاۋ, اۆتوكٶلٸك جٶندەۋ, اسپازدىق جەنە مەيرامحانا ٸسٸمەن قاتار, مەحاترونيكا, ينجەنەرلٸك گرافيكا, ۆەب-تەحنولوگييالار, بيزنەستەگٸ IT-شەشٸمدەر, موبيلدٸ روبوتوتەحنيكا, موبيلدٸ قوسىمشالاردى ەزٸرلەۋ جەنە پروتوتيپتەۋ سىندى جاڭا باعىتتار دا نازاردان تىس قالمادى.
"جەلٸلٸك جەنە جٷيەلٸك ەكٸمشٸلٸك" باعىتى بويىنشا بٸرٸنشٸ ورىندى قوستاناي اۆتوموبيل كٶلٸگٸ كوللەدجٸنٸڭ تٷلەگٸ گلەب ساۋلەنكو يەلەندٸ. ول قازٸرگٸ ۋاقىتتا قوستانايداعى Allur اۆتوزاۋىتىندا جٷيەلٸك ەكٸمشٸ بولىپ جۇمىس ٸستەيتٸن سۇرانىسقا يە جاس مامان.
"چەمپيوناتتا بٸزگە كٷردەلٸ تاپسىرمالار بەرٸلدٸ: قۇرىلعىلاردى نەگٸزگٸ باپتاۋدى جٷرگٸزۋ, كوممۋتاتسييا مەن مارشرۋتيزاتسييانى تٷسٸنۋدٸ كٶرسەتۋ, جەلٸلٸك قىزمەتتەردٸ ورناتۋ قاجەت بولدى. بۇعان دەيٸن مەن وبلىستىق دەڭگەيدەگٸ وسى جارىستارعا قاتىسىپ, ەكٸنشٸ ورىن العان ەدٸم. بۇل جەردە باسقا جاس ماماندارمەن تانىسىپ, تەجٸريبە جەنە يدەيا الماسۋ قىزىقتى بولدى", – دەيدٸ گلەب.
جۇمىسشى ماماندىقتارىنا دەگەن سۇرانىس جۇمىس بەرۋشٸلەر تاراپىنان ارتىپ كەلەدٸ. وسى تۇستا, Allur كومپانيياسى بٸلٸم بەرۋ جوبالارىن بەلسەندٸ جٷزەگە اسىرۋدا. اتاپ ايتقاندا, 2021 جىلدان بەرٸ قوستاناي اۆتوموبيل كٶلٸگٸ كوللەدجٸمەن سەرٸكتەستٸك ورناتقان. بۇل ىنتىماقتاستىقتىڭ ارقاسىندا ستۋدەنتتەر وقۋ پروتسەسٸنەن اجىراماي-اق پراكتيكالىق داعدىلاردى مەڭگەرەدٸ. وقىپ جٷرگەندە زاۋىتتا تەجٸريبەدەن ٶتٸپ, وقۋ اياقتالعان سوڭ تۇراقتى جۇمىسقا ورنالاسادى.
بولاشاق مامانداردى بەسەكەگە قابٸلەتتٸ جالاقى, مانساپتا ٶسۋ مٷمكٸندٸگٸ, تولىق ەلەۋمەتتٸك پاكەت, جۇمىسقا تاسىمالداۋ جەنە تەگٸن تاماقتانۋ سيياقتى ارتىقشىلىقتار كٷتٸپ تۇر. سونىمەن قاتار زاۋىت زاماناۋي جاتاقحانا سالىپ جاتىر, بۇل جاس قىزمەتكەرلەر ٷشٸن قوسىمشا جاعداي جاساماق.
