الماتىدا WorldSkills Almaty-2025 چەمپيوناتىنىڭ جەڭىمپازدارىن سالتاناتتى تۇردە ماراپاتتاۋ ءراسىمى ءوتتى، –دەپ حابارلايدى Dalanews.kz
30 نەگىزگى قۇزىرەتتىلىك بويىنشا ۇزدىك ناتيجە كورسەتكەن قاتىسۋشىلار ماراپاتقا يە بولدى. جۇلدە قورى شامامەن 10 ميلليون تەڭگە: ءار نوميناسيا بويىنشا ءبىرىنشى ورىنعا — 150 000 تەڭگە، ەكىنشى ورىنعا — 100 000 تەڭگە، ءۇشىنشى ورىنعا — 50 000 تەڭگە تابىستالدى.
ەندى ۇزدىكتەردىڭ ۇزدىكتەرى الماتى اتىنان WorldSkills Kazakhstan-2025 رەسپۋبليكالىق چەمپيوناتىندا (استانا قالاسىندا) ب ا ق سىنايدى. ال رەسپۋبليكالىق كەزەڭدە جوعارى ناتيجە كورسەتكەندەر 2026 جىلى جۇڭگو حالىق رەسپۋبليكاسىنىڭ شانحاي قالاسىندا وتەتىن WorldSkills كاسىبي شەبەرلىك بويىنشا حالىقارالىق چەمپيوناتىندا قازاقستاننىڭ نامىسىن قورعايدى.
بۇعان دەيىن الماتى قالاسىنىڭ اكىمى ەربولات دوسايەۆ سايىسقا قاتىسۋشىلارمەن كەزدەسىپ، ولاردىڭ جۇمىستارىمەن تانىستى. ول ستۋدەنت جاستاردى قولداۋدىڭ ماڭىزدىلىعىن اتاپ ءوتىپ، سۇرانىسقا يە جۇمىسشى ماماندىقتار بويىنشا ارنايى قوسىمشا گرانتتار ءبولىنۋى مۇمكىن ەكەنىن ايتتى.
ايتا كەتەيىك، قاتىسۋشىلاردىڭ جۇمىسىن 500-دەن استام ساراپشى مەن جۇمىس بەرۋشى باعالادى. بيىل چەمپيونات ەرەكشە ماڭىزعا يە بولدى، سەبەبى ول مەملەكەت باسشىسى جاريالاعان جۇمىسشى ماماندىقتار جىلى اياسىندا ۇيىمداستىرىلدى.
WorldSkills Almaty-2025 ايماقتىق چەمپيوناتى كاسىبي جەتىلۋگە ۇمتىلعان تالانتتى جاستاردى بىرىكتىرگەن جارقىن وقيعا بولدى.
ءىس-شارا ستۋدەنتتەردىڭ دايىندىق دەڭگەيىنىڭ جوعارى ەكەنىن كورسەتتى جانە ءبىلىم بەرۋ جۇيەسىندە تاجىريبەلىك داعدىلاردىڭ ماڭىزدىلىعىن دالەلدەدى. جەڭىمپازدار مەن جۇلدەگەرلەر ەڭبەك نارىعىندا ورنىن نىعايتىپ، بولاشاق كاسىبي ماماندارعا ۇلگى بولىپ كەلەدى.
