كەزٸندە نورۆەگتٸڭ ەيگٸلٸ زەرتتەۋشٸسٸ ھەم ساياحاتشىسى تۋر حەيەردال ٶزٸنٸڭ ارعى اتالارى ۆيكينگتەر قازاقستان مەن رەسەيدٸڭ وڭتٷستٸك بٶلٸگٸنەن شىققان دەپ جورامال جاساعان ەدٸ. تاياۋدا حەيەردالدىڭ قىزى بەتتينا ەكە اماناتىن ارقالاپ قازاقستانعا كەلدٸ. ول ەكەسٸنٸڭ جاساعان جورامالىن عىلىمي تۇرعىدان انىقتاۋعا بەكٸنٸپ وتىر.
بٷگٸندە بەتتينا حەيەردال باستاعان ەكسپەديتسييا قاراعاندى مۇراجايلارىنداعى ادام قالدىقتارىن زەرتتەۋگە كٸرٸسٸپ كەتكەن. ولاردىڭ ماقساتى – بابالارىنىڭ وتانى مەن جٷرٸپ ٶتكەن جەرلەرٸن انىقتاۋ. «كون-تيكي» مۇراجايىنىنىڭ ٶكٸلٸ بەتتينا حەيەردال:
– ەكەم قازاقستاندا بولعان ەمەس. مىناداي كٶنە جەدٸگەرلەردٸ كٶرٸپ, تاڭ قالار ەدٸ. قازاقستاندا تاريحي قۇندى مۇرالار جاقسى ساقتالعان, – دەدٸ. جالپى ادام قالدىقتارىنىڭ دنك-سىن زەرتتەۋ وڭاي ەمەس. ول ٷشٸن عالىمدار باس سٷيەكتٸڭ ۇساق تالشىقتارى مەن تٸستەردٸڭ ٷگٸندٸسٸنە دەيٸن ٷڭٸلۋلەرٸ كەرەك. ال جينالعان ماتەريالداردىڭ بارلىعىن ٶڭدەپ شىعۋعا بٸرنەشە جىل ۋاقىت كەتەدٸ. سوندىقتان زەرتتەۋ جۇمىستارىنا قاجەتتٸ سٷيەك قالدىقتارى مەن تٸستەر كوپەنگاگەندەگٸ زەرتحاناعا جٶنەلتٸلەدٸ. زەرتتەۋ جۇمىستارى اياقتالعان سوڭ, قاراعاندىعا قايتارىلماق. ونىڭ قورىتىندىسى بويىنشا كەڭ تارالعان ٷندٸ-ەۋروپالىق تايپالاردىڭ قاي جەردەن شىققانى انىقتالادى.
