2025 جىلعى قاڭتار مەن 2026 جىلعى سەۋٸر ارالىعىندا ەلەمدٸك نارىقتا ۆولفرام باعاسى 622 پايىز ٶسٸپ, ستراتەگييالىق ماڭىزدى مينەرالدار اراسىنداعى ەڭ جوعارى ٶسٸمدٸ كٶرسەتتٸ. بۇل كٶرسەتكٸش ٶزگە پايدالى قازبالاردىڭ باعاسىنداعى ٶسٸمنەن ٷش ەسەدەن اسا جوعارى, دەپ حابارلايدى dalanews.kz.
وسى كەزەڭدە اككۋمۋلياتور ٶندٸرٸسٸ مەن جوعارى تەحنولوگييالىق سالالاردا قولدانىلاتىن بٸرقاتار ماڭىزدى مينەرالداردىڭ دا قۇنى ايتارلىقتاي ارتقان. اتاپ ايتقاندا, تانتال 196%-عا, كوبالت 134%-عا, نەوديم 116%-عا, ليتيي 108%-عا, ۆيسمۋت 95%-عا, قالايى 65%-عا, حروم 53%-عا, مىس 44%-عا, اليۋمينيي 39%-عا, موليبدەن 34%-عا, ال ۆاناديي 25%-عا قىمباتتاعان.
باعانىڭ كٷرت ٶسۋٸنە بٸرقاتار ەلدٸڭ ەكسپورتقا ەنگٸزگەن شەكتەۋلەرٸ مەن جەتكٸزۋ تٸزبەكتەرٸنٸڭ شەكتەۋلٸ بولۋى ەسەر ەتكەن. نەتيجەسٸندە كەيٸنگٸ بٸرنەشە جىلداعى سالىستىرمالى تٷردە باياۋ نارىقتىق كەزەڭنەن كەيٸن ماڭىزدى مينەرالداردىڭ قۇنى ايتارلىقتاي كٶتەرٸلدٸ.
ايتا كەتەيٸك, ەلەمدٸك نارىقتاعى بۇل ٶزگەرٸستەر قازاقستان ٷشٸن دە ماڭىزدى. بۇعان دەيٸن ەلٸمٸزدٸڭ ەۋروپالىق وداققا فەرروۆولفرام جەتكٸزەتٸن نەگٸزگٸ ٷش ەلدٸڭ قاتارىنا كٸرەتٸنٸ بەلگٸلٸ بولعان. بۇل باعىتتا قىتاي يمپورتتىڭ جالپى قۇنىنىڭ 68%-ىن قامتاماسىز ەتٸپ, كٶش باستاپ تۇر. ودان كەيٸن ۆەتنام 21%-بەن ەكٸنشٸ ورىندا بولسا, قازاقستاننىڭ ٷلەسٸ 8%-دى قۇرايدى. سونىمەن قاتار اقش پرەزيدەنتٸ دونالد ترامپتىڭ ۇلدارى قازاقستانداعى ۆولفرام كەن ورىندارىن يگەرۋگە جەنە مەتالل ٶندٸرۋ جوباسىنا قاتىسۋعا نيەتتٸ ەكەنٸن مەلٸمدەگەن. ساراپشىلاردىڭ پٸكٸرٸنشە, ۆولفرام باعاسىنىڭ رەكوردتىق دەڭگەيدە ٶسۋٸ قازاقستانداعى مۇنداي جوبالاردىڭ ينۆەستيتسييالىق تارتىمدىلىعىن ودان ەرٸ ارتتىرۋى مٷمكٸن.
