ماۋسىم فورماتىنا سايكەس، كوماندالار الدىمەن ءبىر اينالىمدىق جۇيە بويىنشا چەمپيونات وتكىزىپ، سونىڭ قورىتىندىسى بويىنشا پلەي-وفف كەزەڭىنىڭ جۇپتارىن انىقتادى.
وسىلايشا فينالعا «Atameken busıness» پەن «قازمەديا ورتالىعى» جەتىپ، قارسىلاستارىن 2:0 ەسەبىمەن جەڭگەن «اتامەكەندىكتەر» BAQ lıga-نىڭ ەكى دۇركىن چەمپيونى اتاندى. ەكىنشى ورىن، سايكەسىنشە، «قازمەدياعا» بۇيىرسا، قولا جۇلدە ءۇشىن وتكەن كەزدەسۋدە «7 ارنا» قىزمەتكەرلەرى «حاباردان» باسىم ءتۇستى.
سونداي-اق، ماۋسىم قورىتىندىسى بويىنشا، جەكەلەي نوميناسيالاردىڭ دا يەگەرلەرى انىقتالدى. «حابار» اگەنتتىگىنىڭ قىزمەتكەرى ەسەنبول يمانعازى ەرلەر اراسىنداعى ۇزدىك ويىنشى اتانسا، «Qazcontent» ساپىنداعى اسەل ابىلبەكوۆا قىزدار اراسىندا ۇزدىك تانىلدى. ال «قازمەديا» ورتالىعىنىڭ باس ديرەكتورىنىڭ ورىنباسارى رينات مۋكسينوۆ ارداگەرلەر اراسىنداعى ۇزدىك اتاندى.
بۇدان بولەك، «7 ارنا» ساپىنان ارايلىم باحاي ەڭ ۇزدىك پاس بەرۋشى، «Atameken busıness» ساپىنان ەرماحان قاراكەنوۆ پەن ءانۋار كاربوزوۆ ۇزدىك شابۋىلداۋشى جانە ۇزدىك توسقاۋىل قويۋشى نوميناسيالارىن جەڭىپ الدى.
ايتا كەتەيىك، بايراعىن 2016 جىلدىڭ 10 جەلتوقسانىندا جەلبىرەتكەن BAQ liga – قازاقستان ب ا ق وكىلدەرىنىڭ باسىن بىرىكتىرىپ، رەداكسيالار اراسىندا كوپىر ورناتىپ، ارىپتەستىك تاتۋلىقتى ارتتىرۋعا باعىتتالعان جوبا. بۇگىندە BAQ liga قازاقستان ماسس-مەدياسى اراسىندا فۋتبول جانە ۆولەيبول دودالارىن وتكىزىپ كەلدى. وسى ۋاقىتقا دەيىن ب ا ق وكىلدەرى اراسىندا شاعىن فۋتبولدان 12 ماۋسىم، ۆولەيبولدان 3 چەمپيونات ءوتىپ، وعان ەلىمىزدىڭ 70-تەن استام بۇقارالىق اقپارات قۇرالدارى رەداكسيالارىنان 1 000 شاماسىندا جۋرناليستەر قاتىستى. BAQ liga برەندىمەن ب ا ق وكىلدەرى اراسىنداعى شاعىن فۋتبول بىرىنشىلىكتەرى ەلوردامىزدان بولەك، الماتى، تالدىقورعان جانە اقتاۋ سىندى قالالاردا دا ۇيىمداستىرىلدى.
ال ۆولەيبولدان ب ا ق ليگانىڭ ءبىرىنشى ماۋسىمىندا «قازاقپارات» اگەنتتىگى چەمپيون اتانعان. ەكىنشى ماۋسىمدا «قازاقستان-قازسپورت» كومانداسى جەڭىمپاز بولسا، ءۇشىنشى ماۋسىمدا «Atameken bussınes» تەلەارناسى باس جۇلدەنى جەڭىپ الدى.
بيىل ءتورتىنشى ماۋسىمعا «7 ارنا»، «Atameken business» تەلەارناسى، «ەۋرازيا» ءبىرىنشى ارناسى، «QazContent» اگەنتتىگى، «قازمەديا» ورتالىعى، ««Aiqyn-Liter» گازەتتەرى، «حابار» اگەنتتىگى جانە «Türkı tılmaş» جۋرناليستەر قۇراماسى قاتىستى.
