Maýsym formatyna sáikes, komandalar aldymen bir ainalymdyq júie boiynsha chempionat ótkizip, sonyń qorytyndysy boiynsha plei-off kezeńiniń juptaryn anyqtady.
Osylaisha finalǵa «Atameken business» pen «Qazmedia ortalyǵy» jetip, qarsylastaryn 2:0 esebimen jeńgen «atamekendikter» BAQ liga-nyń eki dúrkin chempiony atandy. Ekinshi oryn, sáikesinshe, «Qazmediaǵa» buiyrsa, qola júlde úshin ótken kezdesýde «7 arna» qyzmetkerleri «Habardan» basym tústi.
Sondai-aq, maýsym qorytyndysy boiynsha, jekelei nominatsiialardyń da iegerleri anyqtaldy. «Habar» agenttiginiń qyzmetkeri Esenbol Imanǵazy erler arasyndaǵy úzdik oiynshy atansa, «Qazcontent» sapyndaǵy Ásel Ábilbekova qyzdar arasynda úzdik tanyldy. Al «Qazmedia» ortalyǵynyń bas direktorynyń orynbasary Rinat Mýksinov ardagerler arasyndaǵy úzdik atandy.
Budan bólek, «7 arna» sapynan Arailym Bahai eń úzdik pas berýshi, «Atameken business» sapynan Ermahan Qarakenov pen Ánýar Karbozov úzdik shabýyldaýshy jáne úzdik tosqaýyl qoiýshy nominatsiialaryn jeńip aldy.
Aita keteiik, bairaǵyn 2016 jyldyń 10 jeltoqsanynda jelbiretken BAQ liga – Qazaqstan BAQ ókilderiniń basyn biriktirip, redaktsiialar arasynda kópir ornatyp, áriptestik tatýlyqty arttyrýǵa baǵyttalǵan joba. Búginde BAQ liga Qazaqstan Mass-mediasy arasynda fýtbol jáne voleibol dodalaryn ótkizip keldi. Osy ýaqytqa deiin BAQ ókilderi arasynda shaǵyn fýtboldan 12 maýsym, voleiboldan 3 chempionat ótip, oǵan elimizdiń 70-ten astam Buqaralyq aqparat quraldary redaktsiialarynan 1 000 shamasynda jýrnalister qatysty. BAQ liga brendimen BAQ ókilderi arasyndaǵy shaǵyn fýtbol birinshilikteri elordamyzdan bólek, Almaty, Taldyqorǵan jáne Aqtaý syndy qalalarda da uiymdastyryldy.
Al voleiboldan BAQ liganyń birinshi maýsymynda «Qazaqparat» agenttigi chempion atanǵan. Ekinshi maýsymda «Qazaqstan-Qazsport» komandasy jeńimpaz bolsa, úshinshi maýsymda «Atameken bussines» telearnasy bas júldeni jeńip aldy.
Biyl tórtinshi maýsymǵa «7 arna», «Atameken business» telearnasy, «Eýraziia» birinshi arnasy, «QazContent» agenttigi, «Qazmedia» ortalyǵy, ««Aiqyn-Liter» gazetteri, «Habar» agenttigi jáne «Türki tilmaş» jýrnalister quramasy qatysty.
