قازاقستان رەسپۋبليكاسى پرەزيدەنتٸنٸڭ كەڭەسشٸسٸ – ۆيتسە-پرەزيدەنت ەرلان قارين ٸشكٸ ساياسات سالاسىنداعى نەگٸزگٸ باسىمدىقتاردى ايقىنداپ, سالالىق مەملەكەتتٸك ورگاندارعا كونستيتۋتسييالىق قۇندىلىقتاردى دەرٸپتەۋ باعىتىنداعى جۇمىستى كٷشەيتۋدٸ تاپسىردى, دەپ حابارلايدى dalanews.kz.
ەرلان قاريننٸڭ ايتۋىنشا, ٸشكٸ ساياساتتىڭ باستى ٷش باعىتى – كونستيتۋتسييالىق قۇندىلىقتار, جاڭا قوعامدىق ەتيكا جەنە بولاشاققا ۇمتىلىس. ونىڭ ٸشٸندە كونستيتۋتسييالىق قۇندىلىقتار پرەزيدەنت قاسىم-جومارت توقاەۆ جٷرگٸزٸپ وتىرعان رەفورمالاردىڭ ستراتەگييالىق نەگٸزٸ بولىپ تابىلادى.
«بۇل – زاڭ جەنە تەرتٸپتٸڭ ٷستەمدٸگٸ, جالپىۇلتتىق بٸرلٸك, ەتنوسارالىق جەنە كونفەسسيياارالىق كەلٸسٸم, مەدەنيەت پەن بٸلٸم, عىلىم مەن يننوۆاتسييالار, ەڭبەكقورلىق پەن پروگرەسس, قورشاعان ورتاعا قامقورلىق جەنە جاۋاپتى پاتريوتيزم قۇندىلىقتارى», – دەدٸ ول.
وسىعان بايلانىستى ۆيتسە-پرەزيدەنت مەملەكەتتٸك ورگاندارعا پرەزيدەنتتٸڭ «قازاقستان رەسپۋبليكاسىنىڭ ٸشكٸ ساياساتىنىڭ نەگٸزگٸ قاعيداتتارىن, قۇندىلىقتارى مەن باعىتتارىن بەكٸتۋ تۋرالى» جارلىعىن جەنە كونستيتۋتسييانى ٸلگەرٸلەتۋ جٶنٸندەگٸ ٸس-شارالار جوسپارىن ساپالى ٸسكە اسىرۋدى تاپسىردى.
سونداي-اق اتا زاڭنىڭ نەگٸزگٸ قاعيدالارىن تٷسٸندٸرۋ, كونستيتۋتسييالىق قۇندىلىقتاردى ناسيحاتتاۋ جەنە ولاردى قوعام ساناسىنا ورنىقتىرۋ ماقساتىندا جٷيەلٸ اقپاراتتىق-تٷسٸندٸرۋ, ساراپتامالىق جەنە مەدەني-اعارتۋشىلىق جۇمىستاردى كٷشەيتۋ قاجەتتٸگٸ اتاپ ٶتٸلدٸ.
ەرلان قارين جاڭا قوعامدىق ەتيكانى قالىپتاستىرۋدىڭ دا ماڭىزدىلىعىنا توقتالدى. ونىڭ ايتۋىنشا, بۇل قوعامدا پروگرەسسيۆتٸ مٸنەز-قۇلىق ٷلگٸلەرٸن ورنىقتىرۋدى, ۇلتتىق قۇندىلىقتاردى نىعايتۋدى جەنە تاريحي فاكتٸلەردٸ بۇرمالاۋعا قارسى تۇرۋدى كٶزدەيدٸ.
سونىمەن قاتار «زاڭ جەنە تەرتٸپ» قاعيداتىن تەجٸريبەدە جٷزەگە اسىرۋ, «تازا قازاقستان» ەكولوگييالىق باستاماسىن كەڭەيتۋ جەنە «ادال ازامات» تەربيە باعدارلاماسىن تيٸمدٸ ٸسكە اسىرۋ مٸندەتتەرٸ بەلگٸلەندٸ. بۇل باعىتتاعى جۇمىستى جاڭا تەسٸلدەرمەن جٷرگٸزۋ, سونىڭ ٸشٸندە بٸرىڭعاي تسيفرلىق پلاتفورمانى, ۇلتتىق تازالىق ستاندارتىن جەنە ٶڭٸرلەردٸڭ تازالىق رەيتينگٸن ەنگٸزۋ ۇسىنىلدى.
ۆيتسە-پرەزيدەنتتٸڭ ايتۋىنشا, ٷشٸنشٸ باسىمدىق – بولاشاققا ۇمتىلىس. ول عىلىم مەن بٸلٸمدٸ, يننوۆاتسييالار مەن تەحنولوگييالاردى, مەدەنيەت پەن اعارتۋشىلىقتى دامىتۋ ارقىلى ادام كاپيتالىن نىعايتۋعا باعىتتالعان. بۇل رەتتە «قازاقستان بالالارى», «وقيتىن ۇلت», «Digital Qazaqstan» سەكٸلدٸ ستراتەگييالىق باستامالاردى ٸسكە اسىرۋ ماڭىزدى رٶل اتقارادى.
ەرلان قارين اتالعان ٷش باسىمدىقتىڭ بارلىعى قازاقستاننىڭ قانداي قوعام قۇرىپ جاتقانىن جەنە ەلدٸڭ بولاشاق دامۋ باعىتىن ايقىندايتىنىن اتاپ ٶتتٸ. ونىڭ سٶزٸنشە, بۇل ماقساتتارعا جەتۋدٸڭ نەگٸزگٸ شارتى – جاسامپاز كٷن تەرتٸبٸن قالىپتاستىرۋ جەنە كونستيتۋتسييالىق قۇندىلىقتاردى بەرٸك ۇستانۋ.
