اقش پرەزيدەنتٸ دونالد ترامپ ۆەنەسۋەلانىڭ ۋاقىتشا بيلٸگٸ امەريكا قۇراما شتاتتارىنا 30–50 ميلليون باررەلگە دەيٸن مۇناي جەتكٸزەتٸنٸن مەلٸمدەدٸ, دەپ حابارلايدى Dalanews.kz
ترامپتىڭ ايتۋىنشا, بۇل كٶلەمدەگٸ جوعارى ساپالى مۇناي نارىقتىق باعادا ساتىلادى, ال تٷسكەن قارجىنى ول جەكە باقىلاۋىندا ۇستايدى.
«بۇل قاراجات ۆەنەسۋەلا حالقى مەن امەريكا قۇراما شتاتتارىنىڭ يگٸلٸگٸ ٷشٸن پايدالانىلۋىن قامتاماسىز ەتۋ ماقساتىندا مەنٸڭ باقىلاۋىمدا بولادى», – دەپ جازدى ترامپ Truth Social ەلەۋمەتتٸك جەلٸسٸندە.
اقش پرەزيدەنتٸ بۇل جوسپاردى دەرەۋ ٸسكە اسىرۋدى ەنەرگەتيكا مينيسترٸ كريس رايتقا تاپسىرعانىن ايتتى. مۇناي تانكەرلەرمەن تٸكەلەي اقش اۋماعىنا جەتكٸزٸلٸپ, ەل ٸشٸندەگٸ قويمالارعا تٷسٸرٸلەدٸ.
ۆەنەسۋەلا ەلەمدەگٸ ەڭ ٸرٸ مۇناي قورىنا يە ەلدەردٸڭ بٸرٸ سانالادى. ەل اۋماعىندا جاھاندىق مۇناي قورىنىڭ شامامەن 17 پايىزى ورنالاسقان. الايدا تيٸمسٸز باسقارۋ, ۇلتتىقتاندىرۋ ساياساتى جەنە حالىقارالىق سانكتسييالار سالدارىنان قازٸرگٸ ۋاقىتتا ۆەنەسۋەلا ەلەمدٸك مۇناي ٶندٸرٸسٸنٸڭ 1 پايىزىنا دا جەتپەيتٸن كٶلەمدە عانا ٶندٸرەدٸ.
ەسكە سالايىق, 2025 جىلعى جەلتوقساننىڭ ورتاسىندا دونالد ترامپ ۆەنەسۋەلاعا باعىتتالعان, سانكتسيياعا ٸلٸككەن بارلىق تانكەرلەرگە تولىق بلوكادا ەنگٸزگەن بولاتىن. ال 3 قاڭتاردا اقش ەسكەريلەرٸنٸڭ ۆەنەسۋەلا پرەزيدەنتٸ نيكولاس مادۋرونى تۇتقىنداۋىنان كەيٸن ترامپ مۇناي ەمبارگوسىنىڭ ساقتالاتىنىن مەلٸمدەگەن ەدٸ.
كەيٸنٸرەك اقش پرەزيدەنتٸ امەريكالىق مۇناي كومپانييالارى ٶكٸلدەرٸمەن ۆەنەسۋەلاداعى جاعدايدى تالقىلاعانىن ايتىپ, ولاردىڭ ەلگە قايتا ورالۋعا جەنە مۇناي سالاسىن قالپىنا كەلتٸرۋگە مٷددەلٸ ەكەنٸن جەتكٸزدٸ. سونىمەن بٸرگە ترامپ اقش ۆەنەسۋەلانىڭ تابيعي رەسۋرستارىنان ەكونوميكالىق پايدا كٶرە الاتىنىن دا اتاپ ٶتتٸ.
ايتا كەتەيٸك, 5 قاڭتاردا ۆەنەسۋەلانىڭ بۇرىنعى ۆيتسە-پرەزيدەنتٸ دەلسي رودريگەس ۋاقىتشا مەملەكەت باسشىسى رەتٸندە انت قابىلداعان بولاتىن. ول بۇعان دەيٸن ەلدٸڭ ەكونوميكا جەنە قارجى, سونداي-اق مۇناي مينيسترٸ قىزمەتتەرٸن قاتار اتقارعان.
