ۆەدومستۆونىڭ مالىمەتىنشە، جۇمىس ورىندارىندا ۆاكسينالاۋعا قاتىستى تەكسەرىس 10 تامىزدا ەمەس، 2021 جىلدىڭ 1 قىركۇيەگىندە باستالادى.
بۇعان دەيىن قىزمەتكەرلەر ەكپەنىڭ ءبىرىنشى كومپونەنتىن 2021 جىلدىڭ 10 تامىزىنا دەيىن، ال ەكىنشىسىن 1 قىركۇيەككە دەيىن الۋعا ءتيىس ەكەنى حابارلاندى. مەديسينالىق قارسى كورسەتىلىمى بار ازاماتتار مەن سوڭعى ءۇش ايدا كوروناۆيرۋسپەن اۋىرعاندار ۆاكسينالاۋدان بوساتىلادى.
سونىمەن قاتار ۆاكسينالانباعان قىزمەتكەرلەر اپتاسىنا كەمىندە ءبىر رەت پتر-تەستىلەۋدەن ءوتۋى كەرەك (مەديسينالىق قارسى كورسەتىلىمى بارلار مەن سوڭعى ءۇش اي ىشىندە اۋىرعان ادامداردى قوسپاعاندا).
10 تامىزعا دەيىن كىمدەر ۆاكسينا سالدىرۋى كەرەك
- حالىققا قىزمەت كورسەتۋ نىساندارى، ونىڭ ىشىنە مىنالار كىرەدى:
- حالىققا قىزمەت كورسەتۋ ورتالىقتارى (حقكو)، "قازپوشتا" اق بولىمشەلەرى،
- ەكىنشى دەڭگەيلى بانكتەر، قارجى نارىعىنىڭ نىساندارى، ساقتاندىرۋ كومپانيالارى، جىلجىمايتىن مۇلىك اگەنتتىكتەرى، جارناما اگەنتتىكتەرى، ايىرباستاۋ پۋنكتتەرى، لومباردتار،
- سۇلۋلىق سالوندارى، شاشتارازدار، حيميالىق تازالاۋ ورىندارى، كيىم جۋۋ ورىندارى،
- فيتنەس ورتالىقتارى، سپورت كەشەندەرى، سپورتتىق-ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار،
- تيپوگرافيالىق قىزمەتتەر، تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرى، اياق كيىم، كيىم جوندەۋ، كەڭسە تەحنيكاسىن جوندەۋ سەرۆيسى،
- نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەت كورسەتۋ بويىنشا نىساندار، وزگە دە نىساندار؛
- حالىق تۇتىناتىن ونىمدەر مەن تاۋارلاردىڭ كوتەرمە جانە بولشەك ساۋدا (ساقتاۋ) نىساندارى، ونىڭ ىشىندە بازارلار، ساۋدا ۇيلەرى، ساۋدا جەلىلەرى، ساۋدا جانە ويىن-ساۋىق ورتالىقتارى، دۇكەندەر، شاعىن ماركەتتەر، سۋپەرماركەتتەر، گيپەرماركەتتەر؛
- مادەنيەت جانە دەمالىس نىساندارى: مۋزەيلەر، مۋزەي-قورىقتار، كىتاپحانالار، كونسەرتتىك ۇيىمدار، فيلارمونيالار، تەاترلار، كينوتەاترلار، كونسەرت زالدارى، كلۋبتار، گالەرەيالار، كورمەلەر، سيركتەر جانە باسقا دا مادەني-دەمالىس ۇيىمدارى؛
- حالىق تۇراتىن قىزمەت كورسەتۋ سالاسىنداعى نىساندار: قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالارى؛
- جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، كولىك جانە سۋ ۆوكزالدارى، وزەن جانە تەڭىز پورتتارى، اۆتوستانسيالار/اۆتووتپە جولدارى، جولاۋشىلارعا قىزمەت كورسەتۋ پۋنكتتەرى؛
- ءبىلىم بەرۋ جانە تاربيەلەۋ ۇيىمدارى، ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارى (ەرەسەكتەر مەن بالالارعا ارنالعان)، وقۋ-وندىرىستىك كومبيناتتاردىڭ جانە باسقا دا مەكتەپتەن تىس ۇيىمدار؛
- ساناتوريي-كۋرورتتىق جانە ساۋىقتىرۋ ماقساتىنداعى نىساندار (ساناتورييلەر، دەمالىس ۇيلەرى/بازالارى/ايماقتارى، پروفيلاكتورييلەر، بالالاردىڭ ساۋىقتىرۋ لاگەرلەرى (مەكتەپ جانىنداعى، قالا سىرتىنداعى)، تۋريستىك بازالار جانە باسقالار)؛
- قوعامدىق تاماقتانۋ نىساندارى، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن نىساندار، ستريت-فۋدتار؛
- بارلىق ۇلگىدەگى مەديسينالىق-الەۋمەتتىك نىساندار (قارتتار، مۇگەدەكتەر ءۇيى، سابيلەر ءۇيى جانە باسقالارى)؛
- دەنساۋلىق ساقتاۋ ۇيىمدارى، ونىڭ ىشىندە زەرتحانالار؛
- ءدارىحانا ۇيىمدارى؛
- تىرشىلىكتى قامتاماسىز ەتۋ جانە كوممۋنالدىق شارۋاشىلىق نىساندارى (سۋمەن جابدىقتاۋ، جىلۋمەن جابدىقتاۋ، ەلەكترمەن جابدىقتاۋ، اۋماقتاردى جيناۋ جانە قالدىقتاردى شىعارۋ، ءۇي-جايلار مەن اۋماقتاردى دەزينفەكسيالىق وڭدەۋ بويىنشا ۇيىمدار، اۆاريالىق-قۇتقارۋ قىزمەتتەرى، پيك جانە ميب جانە باسقالارى)؛
- ەكسكۋرسيالىق قىزمەت كورسەتەتىن ۇيىمدار؛
- دەمالىس نىساندارىنىڭ، ويىن-ساۋىق ويىن نىساندارى: كومپيۋتەر كلۋبتارى، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار؛
- بايلانىس جانە تەلەكوممۋنيكاسيا نىساندارى.
ەگەر قىزمەتكەر ۆاكسينا سالدىرماسا، وندا جۇمىس بەرۋشىگە ايىپپۇل سالىنادى.
ەكپە الماعان قىزمەتكەرگە ايىپپۇل سالىنبايدى.
ۆاكسينالانباعان قىزمەتكەرگە سالىناتىن ايىپپۇل مولشەرى
لاۋازىمدى تۇلعاعا 15 ايلىق ەسەپتىك كورسەتكىش كولەمىندە ايىپپۇل سالىنادى – 43 775 تەڭگە (شامامەن 100 دوللار)؛
- شاعىن بيزنەس پەن كوممەرسيالىق ەمەس ۇيىمدار سۋبەكتىلەرى - 100 اەك نەمەسە 291 700 تەڭگە (685دوللار)؛
- ورتا بيزنەس – 200 اەك نەمەسە 583 400 تەڭگە (1370 دوللار)؛
- ءىرى بيزنەس – 500 اەك نەمەسە 1 458 500 تەڭگە (3420 دوللار).
