بۇل تۋرالى كتك حابارلايدى.
قاندىقول قىلمىستان كەيٸن ساۋداعا شىعۋعا جٷرەگٸ شايلىعىپ قالعان ساۋداگەرلەر وسىلاي دەپ وتىر. ولار ۇزىناعاشتاعى مال بازارىن ۇرىلاردىڭ بۇرىننان جاعالاپ جٷرگەنٸن ايتادى. سۋىق قولدىلاردىڭ قۇنىققانى سونشا, تٶرت تٷلٸكتەن تٷسكەن قىرۋار قارجىنى ەربٸر ساۋدا سايىن قاعىپ ەكەتە بەرەدٸ ەكەن. ال سوڭعى رەت قاراقشىلاردىڭ مالدى يەسٸمەن قوسا ۇرلاپ كەتكەنٸ مەلٸم.
مەيٸتٸ تاۋدا تابىلعان ٷش اعايىندى – جارقىنبەك, قادٸلبەك جەنە مۇقييات سوڭعى رەت وسى بازاردان كەتكەن. قازٸر مۇندا مال ساۋداگەرلەرٸنٸڭ ٸرٸ قارامەن كەلۋگە جٷرەكتەرٸ شايلىعىپ قالعان. ٶيتكەنٸ ۇرىلار تىم ەركٸنسٸنٸپ كەتٸپتٸ. سەبەبٸ, سول اعايىندىلار جوعالار كٷنٸ مۇندا تاعى 15 تۇياق ۇرلانعان.
اعايىندىلارمەن بٸرگە مال ساۋداسىمەن اينالىسقاندار مۇندا ەر بازار بولعان سايىن ۇرى-قارى قارىق بولىپ قايتادى دەيدٸ. وندا دا ميللونداپ ولجالايدى ەكەن.
ساۋداگەرلەردٸڭ ايتۋىنشا, ۇزىناعاشتاعى مال بازارىندا اقشاسىن ۇرلاتپاعان ادام جوق ەكەن. پوليتسيياعا شاعىمدانعانىمەن, بٸردە-بٸرٸن تاۋىپ بەرمەگەن. اقىرى قولىن بٸر سٸلتەپ, ارىز جازۋدى دا قويىپتى.
سوراقىسى سول, بۇل وقيعالاردىڭ بٸرٸ دە كامەراعا تٷسپەگەن.
قىرىق باس سيىرمەن جوعالىپ, ارتىنشا ٶلٸگٸ تابىلعان ٷش بٸردەي ارىستاي ازامات جارقىنبەك, قادٸلبەك, مۇقييات سوڭعى رەت وسى بازاردا ساۋدا جاساپ تۇرىپتى. سوڭعى رەت ول كٸسٸلەردٸ كۋەگەرلەر سەنبٸ كٷنٸ تاڭعى سەگٸزدە كٶرگەن, ال كٷندٸزگٸ ساعات 11-لەردە سيىرلار تيەلگەن جٷك كٶلٸگٸ بازاردان سىرتقا شىعىپ كەتكەن. بٸراق ٶكٸنٸشكە قاراي بازار اۋزىندا تۇرعان 6 بٸردەي كامەراعا ول ٷش ازامات تا ولاردىڭ سيىرلارى دا, ولاردى الىپ كەتكەن كٷدٸكتٸلەردٸڭ بٸرٸ دە تٷسپەپتٸ.
كامەراعا تٷسپەگەنٸمەن, كٷدٸكتٸلەردٸڭ بٸرٸ – تالعات دەگەندٸ ساۋداگەرلەر تانىپ قويىپتى.
اعايىندىلاردىڭ ٶلٸمٸنەن كەيٸندە مال بازارىندا ساقتىق شارالارى كٷشەيتٸلمەپتٸ. ەسەسٸنە, ەربٸر مال باسىنا, ونى الىپ كەلگەن كٶلٸككە دە 700 تەڭگەدەن سالىق جينالادى ەكەن.
