بۇل تۋرالى الماتى وبلىسى ەكٸمٸنٸڭ ورىنباسارى باحتييار ٶنەرباەۆ ايتتى دەپ حابارلايدى «قازاقپارات».
«اعايىندى جٸگٸتتەردٸڭ ٶلٸمٸنە بايلانىستى ماتەريالدىق كٶمەك كٶرسەتٸلەدٸ دەگەن كەيبٸر باق-تارداعى اقپارات دۇرىس ەمەس. رەسمي تٷردە مەلٸمدەيمٸن. الدىن الا بٸز ەشقانداي ۋەدە بەرگەنٸمٸز جوق. تەرگەۋ جٷرٸپ جاتىر. كٷدٸكتٸلەر ۇستالدى. سوت ٶتسٸن, انىقتالسىن. بۇل قىلمىستىق وقيعا. قازاقپىز عوي, اۋدان, اۋىل ەكٸمدەرٸنە تاپسىرما بەردٸك, بارىپ, قايعىلارىنا ورتاقتاسىپ, قارايلاسۋ جاعىن تاپسىردىق. اۋدان ەكٸمٸ وتىن, سۋىن تٷسٸرٸپ بەرٸپ قولدان كەلگەنشە كٶمەگٸن كٶرسەتٸپ جاتىر. ەكٸمشٸلٸك شەت قاراپ وتىرعان جوق. مۇسىلماننىڭ پارىزى عوي كٶڭٸل ايتۋ. وبلىس ەكٸمٸ باقىلاۋىندا ۇستاپ وتىر. بٷگٸنگٸ اپپارات جيىنىندا سۇراپ, تاپسىرمالارىن بەردٸ», - دەدٸ باحتييار ٶنەرباەۆ.
ەسكە سالا كەتەيٸك, ٶتكەن جەكسەنبٸدە باق-تا الماتى وبلىسى جامبىل اۋدانىندا مال ساۋداسىمەن اينالىسىپ جٷرگەن ٷش جٸگٸتتٸڭ جوعالىپ كەتكەنٸ تۋرالى حابارلانعان بولاتىن.
مارقۇمداردىڭ تۋىسقاندارىنىڭ ايتۋىنشا, دولدانۇلى جارقىنبەك (1979 جىلى تۋعان), زارلىحانۇلى مۇقييات (1973 جىلى تۋعان), ەلٸمحان قادىلبەك شىعىس قازاقستان وبلىسىنىڭ تارباعاتاي اۋدانىنان ساتىپ العان 40 باس مالدى ەكٸ جٷك كٶلٸگٸمەن 17 قىركٷيەك كٷنٸ ۇزىناعاش بازارىنا شىعارعان. سودان ٸز-تٷزسٸز جوعالىپ كەتكەن. بٸرنەشە كٷننەن كەيٸن ولاردىڭ دەنەسٸ تابىلدى.
24 قىركٷيەكتە الماتى وبلىستىق ٸشكٸ ٸستەر دەپارتامەنتٸنٸڭ باسپاسٶز قىزمەتٸ ٸز-تٷزسٸز جوعالعان ٷش اعايىندىنىڭ ٶلٸمٸنە قاتىستى كٷدٸكتٸلەر ۇستالعانىن حابارلادى.
«وبلىستىق ٸٸد باسشىسىنىڭ بٸرٸنشٸ ورىنباسارى پودپولكوۆنيك نۇرلان مەسٸموۆ باسشىلىق ەتكەن ٸزدەۋ شارالارىنا اۋداندىق جەنە ايماقتىق پوليتسەيلەر دە جۇمىلدىرىلدى. جوعالعانداردى ٶلتٸردٸ دەگەن كٷدٸكپەن جامبىل اۋدانىنىڭ ەكٸ ازاماتى ۇستالدى. جەبٸرلەنۋشٸلەردٸڭ دەنەلەرٸ تابىلدى. قر قك 99-بابى, 2-بٶلٸمٸ بويىنشا (كٸسٸ ٶلتٸرۋ) قىلمىستىق ٸس قوزعالدى», - دەلٸنگەن باسپاسٶز قىزمەتٸنٸڭ حابارىندا.
كٸسٸ ٶلتٸرۋ فاكتٸسٸ بويىنشا تەرگەۋ جۇمىستارى الماتى وبلىستىق ٸشكٸ ٸستەر دەپارتامەنتٸ باسشىلىعىنىڭ قاتاڭ باقىلاۋىنا الىنعان.
