2025 جىلى 29 مامىردا "تەڭٸزشەۆرويل" جشس (تشو) كومپانييا باسشىلىعىنداعى ٶزگەرٸستەرگە قاتىستى اقپارات تاراتتى. وعان سەيكەس, 2025 جىلعى 10 ماۋسىمنان باستاپ تشو باس ديرەكتورى لاۋازىمىنا ۋيليام لاكوبي تاعايىندالادى. ول بۇل لاۋازىمدى 2021 جىلدان بەرٸ اتقارىپ كەلگەن كەۆين لايوننىڭ ورنىن باسپاق, دەپ حابارلايدى Dalanews.kz كومپانييا باسپاسٶز قىزمەتٸنە سٸلتەمە جاساپ.
ال كەۆين لايون شەۆرون كومپانيياسىنىڭ باس كەڭسەسٸندەگٸ جاڭا باسشىلىق قىزمەتكە تاعايىندالدى.
"كٷردەلٸ سىناقتار مەن ماڭىزدى بەلەستەرگە تولى كەزەڭدەردە تشو-نىڭ باسشىسى بولۋ مەن ٷشٸن زور مەرتەبە بولدى. بٷگٸن جاڭا تاراۋدىڭ بەتٸ اشىلادى – تشو ۇجىمى قازاقستان يگٸلٸگٸنە قىزمەت ەتۋٸن ەرٸ قاراي دا جالعاستىرادى دەگەن نىق سەنٸممەن, قىزمەتٸمدٸ ۋيليام لاكوبيگە تاپسىرامىن. قازاقستان ٷكٸمەتٸنە, تشو اكتسيونەرلەرٸنە, ادال قىزمەتكەرلەرٸمٸز بەن بيزنەس-سەرٸكتەستەرٸمٸزگە جەنە اتىراۋ حالقىنا جىلدار بويى كٶرسەتٸپ كەلە جاتقان قولداۋى مەن ىنتىماقتاستىعى ٷشٸن شىن جٷرەكتەن العىسىمدى بٸلدٸرەمٸن", – دەدٸ كەۆين لايون.
ۋيليام لاكوبي ٶزٸنٸڭ 31 جىلدىق مانسابىندا اقش, انگولا جەنە يندونەزيياداعى شەۆرون بيزنەس بٶلٸمشەلەرٸندە ەرتٷرلٸ ينجەنەرلٸك-تەحنيكالىق جەنە باسشىلىق قىزمەتتەردٸ اتقارعان. 2021 جىلدان باستاپ ول وڭتٷستٸك افريكاداعى شەۆرون ستراتەگييالىق بيزنەس بٶلٸمشەسٸنٸڭ باسقارۋشى ديرەكتورى بولىپ, سول قىزمەتٸندە انگولا مەن كونگو رەسپۋبليكاسىنداعى شەۆرون اكتيۆتەرٸنە, سونىڭ ٸشٸندە انگولاداعى سۇيىتىلعان تابيعي گاز ٶندٸرٸسٸنٸڭ ٸرٸ جوباسىنا جاۋاپتى بولدى. وندا ۋيليام لاكوبي جەرگٸلٸكتٸ قامتۋ جەنە كادرلاردى دامىتۋعا, جەرگٸلٸكتٸ حالىقتىڭ ەل-اۋقاتىنىڭ ارتۋىنا ىقپال ەتكەن تاماشا باسشى رەتٸندە تانىلدى.
تشو باس ديرەكتورى قىزمەتٸنە كٸرٸسكەلٸ تۇرعان ۋيليام لاكوبي:
"تشو باس ديرەكتورى بولىپ تاعايىندالۋ - مەن ٷشٸن ٷلكەن مەرتەبە. تەڭٸز كەن ورنى تەحنيكالىق تۇرعىدان دٷنيە جٷزٸندەگٸ ەڭ كٷردەلٸ كەن ورىندارىنىڭ بٸرٸ بولعاندىقتان, قاۋٸپسٸز ەرٸ سەنٸمدٸ ٶندٸرٸستٸ قامتاماسىز ەتۋ جەنە قازاقستان ەكونوميكاسىنىڭ ٶركەندەۋٸنە ىقپالداسۋ كومپانييامىزدىڭ باستى باعىتى بولىپ قالا بەرمەك. مەن قازاقستان ٷكٸمەتٸمەن, اكتسيونەرلەرٸمٸزبەن, سونىمەن بٸرگە ٶزٸمٸز تۇرىپ, قىزمەت ەتٸپ وتىرعان ٶڭٸردٸڭ حالقىمەن ٶزارا سەرٸكتەستٸگٸمٸزدٸ ودان ەرٸ نىعايتۋ مٷمكٸندٸگٸن اسىعا كٷتەمٸن" - دەيدٸ.
بۇعان دەيٸن بەكتەنوۆ Shell كومپانيياسى ٶكٸلدەرٸمەن كەزدەسٸپ, مۇناي-گاز جوبالارىن تالقىلاعانىن جازعانبىز.
