ورال قالاسىنىڭ تۇرعىنى ەرٸ مۇعالٸم اينۇر سابىر باتىس قازاقستان وبلىسىنىڭ ەكٸمٸ ناريمان تەرەعاليۇلىنىڭ ەرەكەتٸنە بايلانىستى پرەزيدەنتكە, ٷكٸمەتكە جەنە پارلامەنت دەپۋتاتتارىنا اشىق تٷردە ٷندەۋ جولدادى. ونىڭ ايتۋىنشا, بىلتىرعى سۋ تاسقىنىنان كەيٸن بەرٸلگەن جاڭا ٷيدٸ وبلىس باسشىلىعى “زاڭسىز بەرٸلگەن” دەپ سوت ارقىلى تارتىپ الماق, دەپ حابارلايدى Dalanews.kz.
“قۇرمەتتٸ قر پرەزيدەنتٸ قاسىم-جومارت كەمەلۇلى توقاەۆ! قر پرەمەر-مينيسترٸ ولجاس بەكتەنوۆ! قر پارلامەنتٸنٸڭ سەنات تٶراعاسى مەۋلەن ەشٸمباەۆ! قر پارلامەنتٸنٸڭ مەجٸلٸس تٶراعاسى ەرلان قوشانوۆ! مەجٸلٸس دەپۋتاتتارى ابزال قۇسپان, اسحات ايماعامبەتوۆ, نارتاي سەرسەنعاليۇلى, باقىتجان بازاربەك مىرزالار! سٸزدەردەن كٶمەك سۇرايمىن!
مەنٸڭ اتى-جٶنٸم – اينۇر سابىر. ورال قالاسىنىڭ تۇرعىنىمىن. مۇعالٸممٸن.
2024 جىلى ورال قالاسىن سۋ باسقان كەزدە اسا ٸرٸ كٶلەمدە زارداپ شەكتٸم. ورال قالاسى اۋماعىندا ورنالاسقان, ٸشٸنە گاز, جارىق, سۋ تارتىلعان ٷلكەن قىسقى ٷيٸم سۋعا كەتٸپ, بٸر اي بويى سۋ استىندا تۇردى.
قر پرەزيدەنتٸ ق.ك. توقاەۆتىڭ “سۋ تاسقىنىنان زارداپ شەككەندەر ٷيسٸز قالماسىن” دەگەن تاپسىرماسىنا وراي, ورال قالاسى ەكٸمدٸگٸ 2024 جىلى جارامسىز ٷيدٸڭ ورنىنا ٷي بەرٸپ, شىعىندارىمىزدى ٶتەگەن بولاتىن”, - دەيدٸ ول.
ونىڭ ايتۋىنشا, بارلىق تەكسەرۋدەن ٶتكەن قۇجاتتار كوميسسييا تاراپىنان راستالىپ, ماماندار ٷيدٸ “تۇرۋعا جارامسىز” دەپ تانىعان. وسىلايشا ارنايى كوميسسييالار “ٷي بەرٸلسٸن” دەگەن شەشٸم شىعارعان.
“الايدا بٸر جىلدان كەيٸن باتىس قازاقستان وبلىسىنىڭ ەكٸمٸ ناريمان تٶرەعاليۇلى تۇرعىنداردى سوتقا بەرٸپ, ورال قالاسى ەكٸمدٸگٸ بەرگەن ٷيدٸ زاڭسىز دەپ تانۋدى سۇراپ وتىر”, - دەپ قوستى ول.
ايتۋىنشا, تٶتەنشە جاعدايدان زارداپ شەككەندەرگە پرەزيدەنتتٸڭ تاپسىرماسىمەن ەلٸمٸزدٸڭ كەسٸپكەرلەرٸ كٶمەكتەسكەن.
“ماعان دا قالا ەكٸمدٸگٸنە سۋعا كەتۋدەن زارداپ شەككەن تۇرعىندارعا دەمەۋشٸلٸكپەن “Alageum” زاۋىتى الىپ بەرگەن ٷيلەردٸڭ بٸرٸ بەرٸلدٸ. ٷيدٸڭ كٸلتٸن زاۋىت ديرەكتورى دٷرەن مىرزا ۇلىم ەكەۋٸمٸزگە ٶز قولىمەن تابىستاعان بولاتىن”, — دەدٸ ول.
اينۇر سابىردىڭ سٶزٸنشك, بقو ەكٸمٸ ناريمان تٶرەعاليەۆ بۇل ٷيلەردٸ “زاڭسىز بەرٸلگەن” دەپ تانىتپاق.
“ەندٸ زارداپتىڭ قارا بۇلتى سەيٸلٸپ, باستان ٶتكەن اۋىر جاعدايدى ۇمىتا باستاساق, وبلىس ەكٸمٸ ٶز تۇرعىندارىنا وزبىرلىق كٶرسەتٸپ, تٸسٸن باتىرىپ وتىر”, - دەيدٸ ول.
مۇعالٸم بۇل مەسەلە بويىنشا ورال قالالىق پروكۋراتۋراسى دا كەزٸندە قۇجاتتاردى قاراپ, زارداپ شەككەن وتىزدان استام تۇرعىنعا بٸردەي ساناتپەن ٷي بەرٸلگەنٸن ايتادى.
“جاعدايىمىز بٸردەي. قىلىشىن سٷيرەتٸپ قىس كەلگەندە وبلىس ەكٸمٸ بٸزدٸ قايدا جٸبەرمەك? جارامسىز ٷيلەرٸمٸز بۇزىلدى. جەرٸ ٷكٸمەتتٸڭ يەلٸگٸنە ٶتٸپ كەتتٸ. ەندٸ بٸز قايدا بارامىز?
ەلدە پرەزيدەنتتٸڭ تاپسىرماسى تٶتەنشە جاعدايدىڭ داۋ-دامايى باسىلعانشا عانا ورىندالعان با?
وبلىس ەكٸمٸ ٶز تۇرعىندارىنا جاناشىرلىق تانىتپاسا, بٸزگە كٸم كٶمەكتەسەدٸ?”, — دەپ قوستى ول.
كەيٸنٸرەك اينۇر سابىر باتىس قازاقستان وبلىسىنىڭ ەكٸمٸ ناريمان تٶرەعاليەۆكە قاتىستى كەزەكتٸ مەلٸمدەمەسٸن جارييالادى. ايتۋىنشا, ەكٸم تاراپىنان ٶزٸنە قاتىستى “الاياق” دەگەن سيپاتتاعى كٶزقاراس بايقالىپ, بەرٸلگەن ٷيگە بايلانىستى سوتقا تارتۋ جۇمىستارى ەدٸلەتسٸز جٷرگٸزٸلٸپ جاتىر.
“ەكٸمنٸڭ مەنٸ الاياق قىلىپ كٶرسەتەتٸن جاۋابىن تىڭداۋعا دايىنمىن. ٷيدٸ ەكٸمنەن تارتىپ العان جوقپىن, باسىپ كٸرگەن جوقپىن. تٶتەنشە جاعدايدان زارداپ شەگۋشٸ دەپ تانىپ, بٸر جىل بۇرىن رۇقسات بەرگەن ٶزدەرٸ. كٸلتتٸ ەكٸمنٸڭ قولىنان العان جوقپىن, دەمەۋشٸ تاراپ تابىستادى”, — دەپ جازدى ول.
ول ٶزٸنە بەرٸلگەن ٷيدٸڭ وبلىس ەكٸمٸنە “باسقا جوسپارلار” بويىنشا قاجەت بولعانداي كٶرٸنگەنٸن اشىق ايتادى.
“ەكٸمنٸڭ ماعان بەرگەن ٷيگە باسقاااا جەكە جوسپارى بولعان سيياقتى... ول ٷيدٸڭ ماعان بەرٸلٸپ قويعانى ٶزٸن دە, ٶزگەنٸ دە بٸراز سەرگەلدەڭگە سالىپتى دەيدٸ-مىس... بۇل بٸر ٷلكەن حيكايا...“ — دەيدٸ مۇعالٸم.
اينۇر سابىر ەكٸمنٸڭ وتىز تۇرعىننىڭ ٸشٸنەن تەك ٶزٸنە قاتىستى سوتقا تالاپ قويۋىن تٷسٸنبەيتٸنٸن اتاپ ٶتتٸ.
“ناريمان تٶرەعاليۇلى, مەنٸ ٷي بەرٸلگەن وتىزدىقتان بٶلٸپ الىپ, سوتقا بەرگەنٸڭٸز قالاي? سوتقا بەردٸڭ بە, وتىز ادامدى بٸرگە بەر. ەلدە وتىزدى شۋلاتپاي, وتىزدىڭ بٸرەۋٸنە شىققان شەشٸممەن “وتىز قوياندى اتىپ الماقشىسىز با?” ەلدە ماقساتىڭىز باسقا ما? ەڭگٸمە ماعان بەرٸلگەن ٷيدە مە?” — دەپ جازدى ول.
مۇعالٸم ٶتكەن جىلعى اپات كەزٸندەگٸ ەكٸمنٸڭ ەرەكەتٸن ەسكە سالدى.
“جۇرت سۋمەن الىسىپ, قۇجاتىن قولىنا ۇستاپ, ەرلٸ-بەرلٸ سەرگەلدەڭمەن جٷرگەندە سٸز الدىمىزعا كەلٸپ, حالىقتىڭ الدىنا شىعىپ, شاراسىزدان شىققان جاسىمىزدى سٷرتٸپ, "اينالايىندار" دەگەن جوقسىز با?
مىنا ماراپاتتى دا مەن سٸزدەن تارتىپ الدىم با?
ٷيٸڭٸزبەن قوسا, ماراپاتىڭىزدىڭ كٷشٸن جويىپ, سوتپەن تارتىپ الىڭىز” — دەيدٸ تۇرعىن.
