ءاندىجان قالالىق سوتى شاھار باسشىسى ديلمۋرود راحماتۋللايەۆقا ليسەيلەر مەن كوللەدج باسشىلارىن بالاعاتتاعانى ءۇشىن 30 تومەنگى ايلىق كولەمىندە (شامامەن 650 دوللار) ايىپپۇل سالدى. بۇل تۋرالى وزبەكستان باس پروكۋراتۋراسىنىڭ باسپا ءسوز قىزمەتى حابارلادى.

«سوت راحماتۋللايەۆتى اكىمشىلىك بۇزدى دەپ تانىدى»، – دەلىنگەن باس پروكۋراتۋرا حابارلاماسىندا.

ءاندىجان باسشىسى جينالىستا مۇعالىمدەردى بالاعاتتاپ جاتقانى جازىلعان اۋديو تارالعان سوڭ، پروكۋراتۋرا قىزمەتكەرلەرى تەكسەرۋ جۇرگىزگەن، دەپ حابارلادى قالالىق اكىمشىلىكتەگى دەرەككوز.

ەسكە سالايىق، 16 قازاندا راحماتۋللايەۆ جينالىس وتكىزىپ، ءبىلىم مەكەمەلەرى باسشىلارىن تاشكەنت وبلىسىنداعى ماقتا جيناۋعا از ادام شىعارعانى ءۇشىن سوككەن. «مالدار»​، «ەشەكتەر»، «مالعۇندار» دەپ ايقايلاعان.

ال 18 قاراشادا قالالىق اكىمدىكتەگى جينالىستا شەنەۋنىك 64 جاستاعى ءمۇعالىمدى "مالعۇن" دەپ اتاعان.