اقتاۋدا بولعان ۇشاق اپاتىندا قازا تاپقان Azerbaijan Airlines اۋە كومپانياسىنىڭ ۇشقىشى يگور كشنياكيننىڭ قىزى الەۋمەتتىك جەلىدەگى پاراقشاسىندا اكەسىنە ارنالعان جانتەبىرەنتەرلىك جازبا جاريالادى، - دەپ حابارلايدى Dalanews.kz.
"اكە، سەن مەنىڭ قاھارمانىمسىڭ، ءاردايىم جۇرەگىمدە بولاسىڭ. سەن ونداعان ادامنىڭ ءومىرىن قۇتقارۋ ءۇشىن بار كۇشىڭدى سالىپ، ءوز ءومىرىڭدى قۇربان ەتتىڭ. سەن وتە مىقتىسىڭ جانە مەن ءاردايىم سەن سياقتى اكەم بولعانىنا ماقتانامىن. سەن وتە كوڭىلدى ەدىڭ، ءبىز ءۇشىن بارلىعىن جاسايتىنسىڭ، ءبىزدى باقىتتى ەتۋدى عانا قالايتىنسىڭ. ەڭ جاقسى اكەسىڭ! سەنىڭ جانىڭ ءجانناتتا بولاتىنىنا سەنەمىن"، – دەپ جازدى مارقۇمنىڭ قىزى.
ايتا كەتەيىك، Azerbaijan Airlines اۋە كومپانياسىنىڭ Embraer 190 ۇشاعى باكۋ – گروزنىي باعىتى بويىنشا ۇشىپ بارا جاتىپ، 25 جەلتوقساندا اقتاۋ ماڭىندا اپاتقا ۇشىرادى.
ۇشاق بورتىندا 67 ادام بولعان، ونىڭ ىشىندە بەس ەكيپاج مۇشەسى جانە 62 جولاۋشى. ۇشاق اپاتىنان 38 ادام قازا تاپتى، 29 ادام امان قالدى.
