Aqtaýda bolǵan ushaq apatynda qaza tapqan Azerbaijan Airlines áýe kompanıasynyń ushqyshy Igor Kshnákınniń qyzy áleýmettik jelidegi paraqshasynda ákesine arnalǵan jantebirenterlik jazba jarıalady, - dep habarlaıdy Dalanews.kz.

"Áke, sen meniń qaharmanymsyń, árdaıym júregimde bolasyń. Sen ondaǵan adamnyń ómirin qutqarý úshin bar kúshińdi salyp, óz ómirińdi qurban ettiń. Sen óte myqtysyń jáne men árdaıym sen sıaqty ákem bolǵanyna maqtanamyn. Sen óte kóńildi ediń, biz úshin barlyǵyn jasaıtynsyń, bizdi baqytty etýdi ǵana qalaıtynsyń. Eń jaqsy ákesiń! Seniń janyń jánnatta bolatynyna senemin", – dep jazdy marqumnyń qyzy.

Aıta keteıik, Azerbaijan Airlines áýe kompanıasynyń Embraer 190 ushaǵy Baký – Groznyı baǵyty boıynsha ushyp bara jatyp, 25 jeltoqsanda Aqtaý mańynda apatqa ushyrady.

Ushaq bortynda 67 adam bolǵan, onyń ishinde bes ekıpaj múshesi jáne 62 jolaýshy. Ushaq apatynan 38 adam qaza tapty, 29 adam aman qaldy.