ق ر اقدم رۋحاني جاڭعىرۋ باعدارلاماسىن ۇيلەستىرۋ دەپارتامەنتىنىڭ ديرەكتورى ۋ.تنالييەۆ «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى باعىتتارى مەن مىندەتتەرىمەن تانىستىردى.
ءبىلىم جانە عىلىم ءبىرىنشى ۆيسە-مينيسترى ش.كارينوۆا مەملەكەتتىك ءتىلدى دامىتۋ جانە ءبىلىم بەرۋ سالاسىنداعى وزەكتى ماسەلەلەردى شەشۋ جونىندەگى ءىس - شارالار تۋرالى ايتىپ بەردى.
ق ر مسم مادەنيەت كوميتەتىنىڭ ءتوراعاسى ا.ابدۋالييەۆ ۇلتتىق جوبانىڭ «ەل رۋحى» باعىتى بويىنشا قاراستىرىلعان ءىس-شارالارعا ەگجەي-تەگجەيلى توقتالدى. بۇل باعىتتى ىسكە اسىرۋ مادەنيەت سالاسىنداعى قىزمەتتەردىڭ قولجەتىمدىلىگى مەن ساپاسىن ارتتىرۋعا جانە وتاندىق مادەني ءونىمدى تانىمال ەتۋگە باعىتتالعان.
ءوز كەزەگىندە، ق ر اقدم جاستار جانە وتباسى ىستەرى كوميتەتىنىڭ ءتوراعاسى ش.بايمانوۆ «تاۋەلسىزدىك ۇرپاقتارى» باعىتىندا قاراستىرىلعان جاستاردىڭ نەگىزگى سۇرانىستارىن، سونىڭ ىشىندە تۇرعىن ءۇي، جۇمىسپەن قامتۋ، ءبىلىم بەرۋ، جاستاردى قوعامدىق پايدالى قىزمەتكە تارتۋ، NEET ساناتىنداعى جاستاردى الەۋمەتتەندىرۋ ماسەلەلەرىن شەشۋگە باعىتتالعان شارالارعا توقتالدى.
ەستەرىڭىزگە سالا كەتەيىك، "ۇلتتىق رۋحاني جاڭعىرۋ "ۇلتتىق جوباسى نەگىزگىۇش باعىت بويىنشا جۇزەگە اسىرىلادى، ولاردى ورىنداۋعا بىردەن ءۇش مينيسترلىك قاتىسادى. قۇجاتقا جەتى مىندەت، 20-دان استام كورسەتكىش جانە 60-تان استام ءىرى ءىس-شارالار كىرەدى.
ۇلتتىق جوبا مەملەكەت باسشىسى قاسىم-جومارت توقايەۆتىڭ تاپسىرماسى بويىنشا ازىرلەندى جانە قازاقستاندىق قوعامنىڭ مادەنيەت، اعارتۋ جانە ۇلتتىق رۋح دەڭگەيىن ارتتىرۋعا باعىتتالعان.
سونداي-اق، ۇلتتىق جوبا تۇڭعىش پرەزيدەنت – ەلباسى نۇرسۇلتان نازاربايەۆتىڭ باعدارلامالىق ماقالاسىندا ايتىلعان «رۋحاني جاڭعىرۋ» قۇندىلىقتارىن ىلگەرىلەتۋدىڭ كەلەسى كەزەڭى بولىپ تابىلادى.
