Úsh ministrlik Ulttyq Rýhani jańǵyrý baǵdarlamasyn EUÝ oqytýshylary men stýdentterine tanystyrdy
QR AQDM Rýhani jańǵyrý baǵdarlamasyn úilestirý departamentiniń direktory Ý.Tnaliev «Ulttyq rýhani jańǵyrý» ulttyq jobasynyń negizgi baǵyttary men mindetterimen tanystyrdy.
Bilim jáne ǵylym birinshi vitse-ministri Sh.Karinova memlekettik tildi damytý jáne bilim berý salasyndaǵy ózekti máselelerdi sheshý jónindegi is - sharalar týraly aityp berdi.
QR MSM Mádeniet komitetiniń tóraǵasy A.Ábdýáliev Ulttyq jobanyń «El rýhy» baǵyty boiynsha qarastyrylǵan is-sharalarǵa egjei-tegjeili toqtaldy. Bul baǵytty iske asyrý mádeniet salasyndaǵy qyzmetterdiń qoljetimdiligi men sapasyn arttyrýǵa jáne otandyq mádeni ónimdi tanymal etýge baǵyttalǵan.
Óz kezeginde, QR AQDM Jastar jáne otbasy isteri komitetiniń tóraǵasy Sh.Baimanov «Táýelsizdik urpaqtary» baǵytynda qarastyrylǵan jastardyń negizgi suranystaryn, sonyń ishinde turǵyn úi, jumyspen qamtý, bilim berý, jastardy qoǵamdyq paidaly qyzmetke tartý, NEET sanatyndaǵy jastardy áleýmettendirý máselelerin sheshýge baǵyttalǵan sharalarǵa toqtaldy.
Esterińizge sala keteiik, "Ulttyq rýhani jańǵyrý "ulttyq jobasy negizgiúsh baǵyt boiynsha júzege asyrylady, olardy oryndaýǵa birden úsh ministrlik qatysady. Qujatqa jeti mindet, 20-dan astam kórsetkish jáne 60-tan astam iri is-sharalar kiredi.
Ulttyq joba Memleket basshysy Qasym-Jomart Toqaevtyń tapsyrmasy boiynsha ázirlendi jáne qazaqstandyq qoǵamnyń mádeniet, aǵartý jáne ulttyq rýh deńgeiin arttyrýǵa baǵyttalǵan.
Sondai-aq, ulttyq joba Tuńǵysh Prezident – Elbasy Nursultan Nazarbaevtyń baǵdarlamalyq maqalasynda aitylǵan «Rýhani jańǵyrý» qundylyqtaryn ilgeriletýdiń kelesi kezeńi bolyp tabylady.
