بۇعان دەيىن الەۋمەتتىك جەلىدە جۇڭگو ازاماتىنىڭ (ۇلتى جۇڭگو) قىتايدىڭ گانسۋ ولكەسى اقساي قازاق اۆتونوميالى اۋدانىنا قويىلعان قازاقتىڭ ءۇش ءبيىنىڭ ەسكەرتكىشىنىڭ توبەسىنە شىعىپ تۇسكەن سۋرەتتەرى حالىقتىڭ نارازىلىعىن تۋدىرعان ەدى. "مۇنداي ماسقاراعا بەي-جاي قاراي المايمىز دەگەن جۇرت قازاقستانداعى جۇڭگو ەلشىلىگىنەن بۇل ازاماتتى تاۋىپ، جازاعا تارتۋىن سۇراۋدى تالاپ ەتكەن.

بۇگىن سول جۇڭگو ازاماتىنىڭ قازاق حالقىنان كەشىرىم سۇراعان ۆيدەوسى پايدا بولادى. ءوز سوزىندە ول "ەشقانداي ۇلتتى قورلاۋ ماقساتىندا بولماعانىن، ەسكەرتكىشكە سۋرەتكە ءتۇسۋدى عانا كوزدەگەنىن" جەتكىزىپ، مۇنداي ءبىلىمسىز ارەكەتى ءۇشىن قازاق حالقىنان كەشىرىم سۇراپتى.

بۇل سۋرەتتەرگە قىتايداعى قانداستارىمىز دا قاتتى نارازىلىق تانىتىپ، ءتيىستى مەكەمەلەردەن باسسىزدىقتى تيۋدى تالاپ ەتكەن كورىنەدى. ۇلتارازدىق تۋدىرۋى مۇمكىن مۇنداي جايتتى الداعى ۋاقىتتا بولدىرمايمىز دەپ، جەرگىلىكتى بيلىك ۋادە بەرىپتى-مىس.

[video width="226" height="400" mp4="https://dalanews.kz/wp-content/uploads/2017/04/18185175_213180152503884_8111312644943642624_n.mp4"][/video]

ۆيدەو نۇرلان ساۋاننىڭ الەۋمەتتىك جەلىدەگى پاراقشاسىنان الىندى