"ءۇش باستى ايداھار مەملەكەتتىڭ تۇبىنە جەتە جازدادى". جۋرناليست نازاربايەۆتىڭ كلانى مەن وتباسىن اشىق ايىپتادى

ساعىنىش سارداروۆا 26 اقپ. 2024 09:58 3766

جۋرناليست، قوعام بەلسەندىسى دينا ەلگەزەك اسحات اسىلبەكوۆكە بەرگەن سۇحباتىندا داريعا نازاربايەۆا مەن راحات الييەۆ قازاق حالقىنىڭ تاعدىرىنا قالاي اسەر ەتكەنىن ايتتى، - دەپ حابارلايدى Dalanews.kz.

دينا ەلگەزەكتىڭ سوزىنشە، ەكس-پرەزيدەنتتىڭ تۇڭعىشى مەن كۇيەۋ بالاسى "حابار" اگەنتتىگىندە باسشىلىق قىزمەتتە بولعان.

"1999 جىلدىڭ سوڭىندا 2000 جىلداردىڭ باسىندا (حابارعا - ەسك.) كەلدىم. سول كەزدە باسشىمىز (الييەۆ پەن نازاربايەۆا - ەسك.) بولدى. شىنىن ايتقاندا، وتكەن 30 جىلعا قارايمىز، قازاق حالقىنىڭ كورگەن قورقىنىشتى تۇسىندەي ەكەن. وسى ەرلى-زايىپتى - قازاق حالقىنا، تاعدىرىنا اسەر ەتكەن تۇلعالار.

بايلىقتان، اشكوزدىكتەن مەديالاردى ساتىپ الىپ جاتتى.

ءسوز بوستاندىعى قىسىمعا ۇشىرادى. دەموكراتيا دەگەن نارسەنى ۇمىتا باستادىق.

پرەزيدەنتتىڭ وزىندە ەكى ءتۇرلى تاڭداۋ تۇردى: اۆتوكراتيالىق اپان، ەكىنشىسى دەموكراتيالىق تاڭداۋ دەگەن. ءبىراق نۇرسۇلتان نازاربايەۆ ءوزىنىڭ وتباسىن تاڭدادى، ونىڭ وتباسى اۆتوكراتيالىق رەجيمدى تاڭدادى.

ودان كەيىنگى نەبىر سۇمدىق تاريح، رەيدەرلىك جاساپ وتىردى. بالالارىنا شەكسىز بيلىك بەرۋ ارقىلى نازاربايەۆتىڭ تاعدىرى نەمەن اياقتالدى؟!" - دەيدى جۋرناليست.

دينا ەلگەزەك داريعا نازاربايەۆا كەيىن ءتىپتى اكەسىنىڭ ورنىنا كوز تىككەنىن ايتادى.

"اسار" پارتياسى پايدا بولدى. اكەسىمەن جارىسىپ پارتيا قۇرامىن دەپ ءجۇردى. اكەسىنىڭ ورنىنا پرەزيدەنت بولامىن دەگەن نىشان سول كەزدە بايقالا باستادى.

ەكەۋىندە دە (الييەۆتە دە - ەسك.) پايدا بولا باستادى. سوڭى نە بولعانىن كورىپ وتىرسىز عوي. راحات الييەۆتىڭ تاعدىرى نەمەن اياقتالدى؟! بالاسىنىڭ تاعدىرى نە بولدى؟! سۇمدىق كورىنىستەر"، - دەيدى ول.

قوعام بەلسەندىسى قازاقتىڭ جاعدايىن كىمدەر تۇرالاتقانىن اتادى.

"بىزدە ءۇش ءتۇرلى تريادا - جەمقورلار، نازاربايەۆتىڭ كلانى جانە وتباسى. وسى ءۇشباستى ايداھار مەملەكەتىمىزدىڭ تۇبىنە جەتە جازدادى. وسىنىڭ ىشىندە مەملەكەتتىڭ تاعدىرىنا اسەر ەتكەن وسى ەكى تۇلعا (الييەۆ پەن نازاربايەۆا - ەسك.) بولدى. ...قاتتى ايتقانىم ەمەس، بۇلار قازاق حالقىن قۇلدىقتا ۇستادى دەپ ايتۋعا بولادى. قازاق حالقىنىڭ قوجايىنى بولا باستادى"، - دەدى جۋرناليست.


ۇسىنىلعان
سوڭعى جاڭالىقتار
تەلە2 - باستىق1
22 ءساۋ. 2024 18:05
x