اباي وبلىسىنىڭ ءۇرجار اۋدانىندا كامەلەتكە تولماعان بالالارعا قاتىستى قايعىلى جاعداي تىركەلدى. جول-كولىك وقيعاسى سالدارىنان 2-7 جاس ارالىعىنداعى ءۇش بالا كوز جۇمدى، دەپ حابارلايدى Dalanews.kz.
سونداي-اق، 6-9 جاس ارالىعىنداعى تاعى ءۇش بالا جاراقات الىپ، ءقازىر دارىگەرلەردىڭ باقىلاۋىندا قاجەت مەديسينالىق كومەك الىپ جاتىر.
"زارداپ شەككەندەر - ەكى وتباسىنىڭ بالالارى. قايتىس بولعان ءۇش بالانىڭ ەكەۋى جارما اۋدانىنىڭ جاڭعىزتوبە اۋىلىنان اتا-اجەلەرىنە قوناققا كەلگەن، بىرەۋى - ءۇرجار اۋدانىنىڭ تۇرعىنى. جاراقات العان ءۇش بالانىڭ ەكەۋى ءۇرجار اۋدانىنان، بىرەۋى جارما اۋدانىنان ەكەنى بەلگىلى بولدى"، - دەپ جازىلعان حابارلامادا.
وبلىس اكىمدىگى مالىمەتىنشە، قازا تاپقان بالالاردىڭ وتباسىلارىنا جەرلەۋ ءراسىمىن ۇيىمداستىرۋ ءۇشىن بارلىق قاجەت قولداۋ كورسەتىلەدى. سونىمەن قاتار، پسيحولوگيالىق جانە ماتەريالدىق كومەك تە بەرىلەدى.
"وقيعا ورنىندا وبلىس اكىمىنىڭ ورىنباسارىنىڭ ۇيلەستىرۋىمەن ارنايى جۇمىس توبى قۇرىلعان. جاعداي وبلىس باسشىلىعىنىڭ ەرەكشە باقىلاۋىندا"، - دەپ جازىلعان حابارلامادا.
ەسكە سالايىق، بۇعان دەيىن ءۇرجاردا جۇرگىزۋشى اۋلادا وتىرعان التى بالانى قاعىپ كەتكەنى حابارلاندى.
