Abai oblysynyń Úrjar aýdanynda kámeletke tolmaǵan balalarǵa qatysty qaiǵyly jaǵdai tirkeldi. Jol-kólik oqiǵasy saldarynan 2-7 jas aralyǵyndaǵy úsh bala kóz jumdy, dep habarlaidy Dalanews.kz.
Sondai-aq, 6-9 jas aralyǵyndaǵy taǵy úsh bala jaraqat alyp, qazir dárigerlerdiń baqylaýynda qajet meditsinalyq kómek alyp jatyr.
"Zardap shekkender - eki otbasynyń balalary. Qaitys bolǵan úsh balanyń ekeýi Jarma aýdanynyń Jańǵyztóbe aýylynan ata-ájelerine qonaqqa kelgen, bireýi - Úrjar aýdanynyń turǵyny. Jaraqat alǵan úsh balanyń ekeýi Úrjar aýdanynan, bireýi Jarma aýdanynan ekeni belgili boldy", - dep jazylǵan habarlamada.
Oblys ákimdigi málimetinshe, qaza tapqan balalardyń otbasylaryna jerleý rásimin uiymdastyrý úshin barlyq qajet qoldaý kórsetiledi. Sonymen qatar, psihologiialyq jáne materialdyq kómek te beriledi.
"Oqiǵa ornynda oblys ákiminiń orynbasarynyń úilestirýimen arnaiy jumys toby qurylǵan. Jaǵdai oblys basshylyǵynyń erekshe baqylaýynda", - dep jazylǵan habarlamada.
Eske salaiyq, buǵan deiin Úrjarda júrgizýshi aýlada otyrǵan alty balany qaǵyp ketkeni habarlandy.
