7 اقپاندا اقش حالىقارالىق دامۋ اگەنتتىگىنە جۇمىسقا الىنعان قىزمەتكەرلەر الەم بويىنشا اكىمشىلىك دەمالىسقا جىبەرىلەدى، دەپ حابارلايدى Dalanews.kz.
“الداعى ۋاقىتتا قوسىمشا نۇسقاۋلار بەرىلەدى. بارشا قىزمەتكەرگە كورسەتكەن قىزمەتى ءۇشىن العىس بىلدىرەمىز”، — دەلىنگەن حابارلامادا.
ايتا كەتەيىك، USAID قازاقستاندا ەكونوميكالىق ءارتاراپتاندىرۋدى قولداۋ، دەموكراتيالىق رەفورمالاردى ىنتالاندىرۋ جانە ازاماتتىق قوعامدى دامىتۋ باعىتىندا ماڭىزدى جوبالاردى جۇزەگە اسىردى. مىسالى، اگەنتتىك قازاقستاننىڭ سيفرلىق ەكوجۇيەسىن دامىتۋ بويىنشا باعالاۋ جۇرگىزىپ، 12 ۇسىنىس ازىرلەدى.
اگەنتتىكتىڭ قىزمەتىنىڭ اياقتالۋى قازاقستان مەن اقش اراسىنداعى ىنتىماقتاستىقتىڭ جاڭا كەزەڭىن بىلدىرەدى. قازاقستاننىڭ دامۋ ماقساتتارىنا قول جەتكىزۋ ءۇشىن باسقا حالىقارالىق ۇيىمدارمەن جانە سەرىكتەستەرمەن بىرلەسكەن جۇمىس جالعاسادى.
ەسكە سالايىق، بۇعان دەيىن اق ءۇي USAIDء-تىڭ "ابسۋردتى" شىعىندارىن جاريا ەتكەن ەدى.
اقش اكىمشىلىگى اتىشۋلى USAID-تىڭ (حالىقارالىق دامۋ جونىندەگى اگەنتتىك) "ابسۋردتى" جوبالارعا قىرۋار قارجى بولگەنىن دالەلدەيتىن داۋلى قۇجاتتى جاريالادى.
"USAID ونداعان جىل بويى سالىق تولەۋشىلەردىڭ اقشاسىن توگىپ-شاشتى. ءبىز ونى دەرەۋ توقتاتامىز"، – دەلىنگەن اق ءۇيدىڭ مالىمدەمەسىندە.
اق ءۇي ۇسىنعان اقپارات بويىنشا، USAID قاراجاتى ءتۇرلى ەلدەردە "ءارقيلى" ماقساتتا پايدالانىلعان. ماسەلەن:
ۆەتنامعا ەلەكتروموبيلدەر ساتىپ الۋعا $2،5 ملن؛
كولۋمبياداعى ترانسگەندەرلەردىڭ وپەراسىنا $47 مىڭ؛
پەرۋدەگى "ترانسگەندەرلىك كوميكستى" ازىرلەۋگە $32 مىڭ؛
گۆاتەمالاداعى جىنىس اۋىستىرۋ وپەراسيالارى مەن "لعبت بەلسەندىلىگىنە" $2 ملن؛
سيرياداعى «ال-كايداعا» قاتىسى بار سودىرلارعا جۇزدەگەن مىڭ پورسيا تاماق؛
اۋعانستانداعى كوكنار ەگىستىگىن سۋارۋ، تىڭايتقىش ساتىپ الۋ جانە قۇرال-جابدىققا جۇزدەگەن ميلليون دوللار بولىنگەن.
اق ءۇيدىڭ ايتۋىنشا، بۇل ءتىزىم تولىق ەمەس.
"پرەزيدەنت ترامپتىڭ تۇسىندا سالىق تولەۋشىنىڭ اقشاسىن ورىنسىز جۇمساۋ بۇگىننەن باستاپ توقتايدى”، – دەپ اتاپ ءوتتى اقش اكىمشىلىگى.
