جيىندا قۇتتىقتاۋ سٶز سٶيلەگەن وبلىس باسشىسى ا. باتالوۆ قارييالارعا مەملەكەت تاراپىنان كٶرسەتٸلەتٸن قولداۋلاردىڭ بۇدان ەرٸ دە جالعاسا بەرەتٸنٸن, ايتا كەلە:
– «ٶسەتٸن ەلدٸڭ قارتى – قازىنا بولار» دەگەن دانالىق سٶز بار. تەۋەلسٸز ەلدٸڭ ۇلاعاتتى ۇلىن, يناباتتى قىزىن تەربيەلەۋدە – قازىنالى اتا-ەجەلەردٸڭ ورنى بٶلەك. ٶزدەرٸڭٸزدەي اعا تۇتار – الدىڭعى بۋىننىڭ جٷرٸپ ٶتكەن جولى – بولاشاق ٷشٸن ٷلكەن ٶمٸرلٸك مەكتەپ. رەسپۋبليكالىقارداگەرلەر ۇيىمىنىڭ قارقىندى جۇمىسىنا وبلىسىمىزدىڭ ارداگەرلەرٸ دە بەلسەندٸ ارالاسۋدا.بٷگٸندە قۇرامىندا 215 مىڭنان استام زەينەتكەر بار, ولاردىڭ 181-ٸ ۇلى وتان سوعىسىنىڭ ارداگەرٸ.«كٶپ جاساعاننا سۇراما, كٶپتٸ كٶرگەننەن سۇرا» دەگەندەي, بٸز ەرقاشان ٶمٸرلٸك تەجٸريبەسٸ مول اعا بۋىندى ٷلگٸ تۇتىپ, كەلەلٸ ٸستٸ باستاۋدا كەڭەسٸپ وتىرامىز.ەلٸ دە الدىمىزدا قورعان بولىپ, ەر ٸسٸمٸزگە سەتتٸ قادام تٸلەپ جٷرە بەرٸڭٸزدەر. ەل بٸرلٸگٸ مەن تۇتاستىعىنا, ۇلى دالامىزداعى ٶركەنيەتتٸ ٸستەرگە قوسار ٷلەستەرٸڭٸز مول بولسىن! – دەدٸ.
وسى جيىندا وبلىستىڭ 40 ارداگەرٸنە كٶپ جىلعى ەڭبەگٸ, ٶڭٸردٸڭ قوعامدىق ٶمٸرٸنە بەلسەنە ارالاسقانى ٷشٸن ورتالىق كەڭەستٸڭ «قۇرمەت بەلگٸسٸ», قر ارداگەرلەر ۇيىمىنىڭ 30 جىلدىق مەرەيتويلىق مەدالٸ, وبلىس ەكٸمٸنٸڭ قۇرمەت گراموتالارى مەن العىس حاتتارى بەرٸلدٸ.
سالتاناتتى جيىن ساحناسىندا وبلىس ەكٸمدٸگٸنٸڭ قولداۋىمەن شىققان, وبلىس ارداگەرلەرٸنٸڭ جەتٸستٸكتەرٸن پاش ەتەتٸن «قاريياسى بار ەل – قازىنالى ەل» اتتى جيناقتىڭ تۇساۋى كەسٸلدٸ.
جيىن سوڭى مەرەكەلٸك كونتسەرتپەن اياقتالدى.
الماتى وبلىسى ەكٸمٸنٸڭ باسپاسٶز قىزمەتٸ
