Jiynda quttyqtaý sóz sóilegen oblys basshysy A. Batalov qariialarǵa memleket tarapynan kórsetiletin qoldaýlardyń budan ári de jalǵasa beretinin, aita kele:
– «Ósetin eldiń qarty – qazyna bolar» degen danalyq sóz bar. Táýelsiz eldiń ulaǵatty ulyn, inabatty qyzyn tárbieleýde – qazynaly ata-ájelerdiń orny bólek. Ózderińizdei aǵa tutar – aldyńǵy býynnyń júrip ótken joly – bolashaq úshin úlken ómirlik mektep. RespýblikalyqArdagerler uiymynyń qarqyndy jumysyna oblysymyzdyń ardagerleri de belsendi aralasýda.Búginde quramynda 215 myńnan astam zeinetker bar, olardyń 181-i Uly Otan soǵysynyń ardageri.«Kóp jasaǵanna surama, kópti kórgennen sura» degendei, biz árqashan ómirlik tájiribesi mol aǵa býyndy úlgi tutyp, keleli isti bastaýda keńesip otyramyz.Áli de aldymyzda qorǵan bolyp, ár isimizge sátti qadam tilep júre berińizder. El birligi men tutastyǵyna, Uly Dalamyzdaǵy órkenietti isterge qosar úlesterińiz mol bolsyn! – dedi.
Osy jiynda oblystyń 40 ardagerine kóp jylǵy eńbegi, óńirdiń qoǵamdyq ómirine belsene aralasqany úshin Ortalyq keńestiń «Qurmet belgisi», QR ardagerler uiymynyń 30 jyldyq mereitoilyq medali, oblys ákiminiń qurmet gramotalary men alǵys hattary berildi.
Saltanatty jiyn sahnasynda oblys ákimdiginiń qoldaýymen shyqqan, oblys ardagerleriniń jetistikterin pash etetin «Qariiasy bar el – qazynaly el» atty jinaqtyń tusaýy kesildi.
Jiyn sońy merekelik kontsertpen aiaqtaldy.
Almaty oblysy ákiminiń baspasóz qyzmeti
