ايتالىق, ٷرجار اۋداندىق مەسليحاتىنىڭ دەپۋتاتى, كەسٸپكەر مۇحامەتحان اقپەكوۆتىڭ مۇرىندىق بولۋىمەن جەنە اۋدانداعى كەسٸپكەر ازاماتتاردىڭ قولداۋىمەن «ٷرجارعا كٶمەك» اتتى قايىرىمدىلىق قورى قۇرىلىپ, جينالعان 20 ملن تەڭگە قاراجاتقا مەديتسينالىق قۇرال-جابدىقتارى مەن دەرٸ-دەرمەكتەر ساتىپ الىنىپ, اۋدانداعى اۋرۋحانالارعا تاراتىلدى.
سونىمەن قاتار اۋداننان شىققان مەتسەنات, «اتامۇرا» كورپوراتسيياسىنىڭ پرەزيدەنتٸ راحىمعالي ابرارۇلى قۇل-مۇحاممەد ماقانشى اۋدانارالىق اۋرۋحاناسىنا جالپى قۇنى 10 ملن تەڭگە تۇراتىن وتتەگٸ كونتسەنتراتتارىن, قورعانىش قۇرالدارىن سىيعا تارتىپ, 1 ملن تەڭگە قاراجاتتى «ٷرجارعا كٶمەك» قورىنا اۋداردى.
يگٸ باستاماعا اۋداننان شىققان سپورتشىلار دا ٷلەستەرٸن قوسۋدا. اتاپ ايتساق پالۋان ەسەت مەمبەتوۆ تۋعان جەرٸ التىنشوقى اۋىلىنىڭ تۇرعىندارىنا دەرٸ-دەرمەك الىپ بەردٸ.
كٶلدەنەڭ اۋىلىنداعى «يۋبيلەينىي» جشس سەرٸكتەستٸگٸ ٷرجار اۋىلىندا ورنالاسقان اۋدانارالىق اۋرۋحانانىڭ پروۆيزورلىق بٶلٸمٸندە ەم قابىلداپ جاتقان ازاماتتاردىڭ دەنساۋلىعىن كٶتەرۋ ماقساتىندا قوماقتى مٶلشەردە قىمىز بەن ەت ٶنٸمدەرٸ تابىس ەتٸلدٸ.
«جۇمىلا كٶتەرگەن جٷك جەڭٸل» دەگەن ناقىلدى تۋ ەتكەن اۋدان ازاماتتارى بٷگٸنگٸ كٷنگە دەيٸن 12 اۋىلدىق وكرۋگتە, اتاپ ايتساق, ٷرجار, ماقانشى, التىنشوقى, ەلتاي, جوعارعى ەگٸنسۋ, كٶكٶزەك, قاراقول, تاسكەسكەن, باقتى, قابانباي, قاراتۇما اۋىلدارىندا ورنالاسقان مەديتسينالىق مەكەمەلەرگە جالپى سوماسى 40 ملن تەڭگەگە جۋىق قاراجاتتىڭ مەديتسينالىق قۇرال-جابدىقتارى مەن دەرٸ-دەرمەكتەرٸن تابىس ەتتٸ.
