اباي وبلىسىنىڭ بۇرىنعى اكىمى نۇرلان ۇرانحايەۆ جاڭا قىزمەتكە تاعايىندالدى، – دەپ حابارلايدى Dalanews.kz.
ول پرەمەر-مينيستردىڭ كەڭەسشىسى بولىپ تاعايىندالدى. نۇرلان ۇرانحايەۆ ونەركاسىپ جانە قۇرىلىس ماسەلەلەرىنە جەتەكشىلىك ەتەدى.
نۇرلان ۇرانحايەۆ قازاق پوليتەحنيكالىق ينستيتۋتىندا (ينجەنەر-مەحانيك) ءبىلىم العان. سونداي-اق، قازاق قارجى-ەكونوميكالىق ينستيتۋتىن (ەكونوميست-مەنەدجەر) جانە شىعىس قازاقستان مەملەكەتتىك تەحنيكالىق ۋنيۆەرسيتەتىن (ينجەنەر-قۇرىلىسشى) ءتامامداعان.
ەڭبەك جولىن 1987 جىلى "كازپرومتەحمونتاج" ترەسىندە سلەسار بولىپ باستاعان. 1990 جىلى "زەرگەر" ونەركاسىپتىك-قارجىلىق كورپوراسياسىن باسقارعان، كەيىن "اققۇس" اق-نىڭ باسشىسى، "سارى-ارقا" اق-نىڭ سەنىمدى باسقارۋشىسى، "سۇڭقار" ج ش س پرەزيدەنتى بولعان.
2003 جىلى شقو-نىڭ ەنەرگەتيكا، تۇرعىن ۇي-كوممۋنالدىق شارۋاشىلىق جانە كولىك باسقارماسىنىڭ باسشىسى بولىپ تاعايىندالعان. كەيىن قۇرىلىس باسقارماسىن باسقارعان. 2006–2007 جىلدارى شقو اكىمىنىڭ ورىنباسارى قىزمەتىن اتقارعان.
2010–2013 جىلدارى قىزىلوردا وبلىسى اكىمىنىڭ ورىنباسارى، كەيىن ق ر تۇتىنۋشىلار قۇقىقتارىن قورعاۋ اگەنتتىگى ءتوراعاسىنىڭ ورىنباسارى قىزمەتىن اتقارعان.
2015 جىلى "قازقسعزي" اق-نى باسقارعان. 2017 جىلى الماتى قالاسىنىڭ ساۋلەت جانە قالا قۇرىلىسى باسقارماسىنىڭ باسشىسى، 2019 جىلى استانادا دا وسى قىزمەتكە كەلگەن.
2022 جىلعى 11 ماۋسىمدا اباي وبلىسىنىڭ اكىمى بولىپ تاعايىندالدى. 2025 جىلعى 14 اقپاندا بۇل قىزمەتتەن بوساتىلدى. ونىڭ ورنىنا پرەزيدەنتتىڭ بۇرىنعى كەڭەسشىسى ءارى باسپا ءسوز حاتشىسى بەرىك ءۋالي وبلىس اكىمى بولىپ تاعايىندالدى.
