ماۋسىم-شٸلدە ايلارىندا تەرروريزم جەنە ەكسترەميزم قىلمىستارى بويىنشا 19 ادام سوتتالىپ, تاعى 28 ادام ۇستالدى, دەپ حابارلايدى dalanews.kz.
ۇلتتىق قاۋٸپسٸزدٸك كوميتەتٸنٸڭ (ۇقك) مەلٸمەتٸنشە, تەرگەلگەن قىلمىستىق ٸستەر بويىنشا 19 ادام ەرتٷرلٸ مەرزٸمگە باس بوستاندىعىنان ايىرىلعان.
سوتتالعانداردىڭ بٸرٸ – الماتى قالاسىنىڭ تۋماسى. ول 2017 جىلدان بەرٸ حالىقارالىق تەرروريستٸك ۇيىمداردىڭ قىزمەتٸنە قاتىسقانى ٷشٸن ٸزدەۋدە بولعان. ەر ادام تٷركييادا انىقتالىپ, 2025 جىلى قازاقستانعا دەپورتاتسييالانعان. ەلگە كەلگەننەن كەيٸن قىلمىستىق ٸس اياسىندا قاماۋعا الىنعان. سوت ونى سەگٸز جىلعا باس بوستاندىعىنان ايىردى.
تاعى بٸر سوتتالعان شىمكەنت تۇرعىنى ەلەۋمەتتٸك جەلٸلەردە تەرروريزم يدەولوگيياسىن ناسيحاتتاپ, تانىستارىن زورلىق-زومبىلىق ەرەكەتتەرٸن جاساۋعا شاقىرعان. ول توعىز جىلعا سوتتالدى.
سول كەزەڭدە استانا, الماتى جەنە شىمكەنت قالالارىندا, سونداي-اق اقمولا, اقتٶبە, الماتى, جامبىل, ماڭعىستاۋ جەنە تٷركٸستان وبلىستارىندا جەدەل-ٸزدەستٸرۋ شارالارى نەتيجەسٸندە 28 ادام ۇستالدى.
ۇقك مەلٸمەتٸنشە, ۇستالعاندار تەرروريزمدٸ ناسيحاتتادى, دٸني ارازدىقتى قوزدىردى, ينتەرنەتتە جەنە ٶز ورتاسىندا تىيىم سالىنعان ماتەريالداردى تاراتتى, سونداي-اق ەكسترەميستٸك ۇيىمنىڭ قىزمەتٸنە قاتىستى دەگەن كٷدٸككە ٸلٸنگەن.
قازٸر قىلمىستىق كودەكستٸڭ تيٸستٸ باپتارى بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
ۇقك قىلمىستىق-پروتسەستٸك كودەكستٸڭ 201-بابىنىڭ 1-بٶلٸگٸنە سەيكەس, ٶزگە اقپارات جارييا ەتٸلمەيتٸنٸن حابارلادى.
